Afrika

Afrika
	zesummegesat Satellittebild vun Afrika (NASA)
Geographie
Geographesch Lag	Nordhallefkugel, Südhallefkugel
Besteet aus	Nordafrika, Zentralafrika, Westafrika, Südlecht Afrika, Ostafrika
Länner	55
Fläch	29.648.481 km²
Héchste Punkt	Kibo (5.895 m)
Déifste Punkt	Afar-Dräieck (-135 m)
Gréisst Waasserfläch	Victoriaséi
Demographie
Awunner	1.549.862.036 (2025)
Bevëlkerungsdicht	51,12/km²
Bevëlkerungsräichst Regioun	Lagos
Aner Informatiounen
Zäitzon	UTC−1, UTC±0, UTC+1, UTC+2, UTC+3, UTC+4
Sproochen	> 1000 Sproochen
	Regiounen an Afrika; (blo: Nordafrika, gréng: Westafrika, rosa: Zentralafrika, orange: Ostafrika, rout: Südlecht Afrika)

Afrika ass deen zweetgréisste Kontinent. En ass dräimol méi grouss wéi Europa an huet eng Fläch vun 30,72 Millioune Quadratkilometer, wat 20,36 % vun der Landfläch vun der Äerd ausmécht. Et ass och de Kontinent mat der zweethéchster Bevëlkerung: geschaten 1,55 Milliarde Mënschen (19,36 % vun der Weltbevëlkerung) liewen an Afrika^[1].

Afrika ass den eenzege Kontinent, deen an alle véier Hemisphäre läit.

Geographie

Am Weste vun Afrika läit den Atlantik, am Osten den Indeschen Ozean an d'Rout Mier an am Norden d'Mëttelmier. D'Küstelängt ass 30.490 km laang.

Déi eenzeg Landverbindung mat anerem Festland ass iwwer d'Sinai-Hallefinsel, déi tëscht Afrika an der Arabescher Hallefinsel läit an eng Verbindung mat Eurasien hierstellt.

De südlechste Punkt vun Afrika ass de Kap Agulhas op 34°50' Süd.

Gewässer

Déi gréisst Waasserfläch an Afrika ass de Victoriaséi (en Deel vun Tansania, Uganda a Kenia.) mat enger Fläch vun 68.100 km². De längste Floss an Afrika ass den Nil, mat enger Längt vu 6.650 km.

Bierger

Déi fënnef héchst Bierger vun Afrika sinn:

Bierg	Keegel	Héicht [m]	Staat
Kilimanjaro-Massiv	Kibo (Uhuru Peak)	5.895	Tansania
Mount-Kenya-Massiv	Batian	5.199	Kenia
Ruwenzori-Gebirge	Margherita Peak	5.109	DR Kongo, Uganda
Héichland vun Abessinien	Ras Daschän	4.533	Ethiopien
Virunga-Vulkaner	Karisimbi	4.507	Ruanda, DR Kongo, Uganda

Geschicht

Déi eelst bekannt Spuere vum mënschleche Liewe goufen an Afrika fonnt. Et gëllt als sécher, datt sech vun hei aus als éischt den Homo erectus a méi spéit den anatomesch moderne Mënsch (Homo sapiens), an Asien an Europa verbreet hunn. Deementspriechend goufen och dat eelst stengent Geschier an Afrika entdeckt: einfacht Oldowan-Geschier aus dem Early Stone Age, déi an Europa als Alpaleolithikum bekannt ass.

Bevëlkerung a Sproochen

675 Milliounen Awunner maachen 19,36 % vun der ganzer Weltbevëlkerung aus^[1].

Et gëtt iwwer 1000 eegestänneg Sproochen an Afrika, dovu ginn déi 50 gréisser vu jeeweils iwwer enger Millioun Leit geschwat.

Déi wichtegst Sproochen, no Sproochefamillen agedeelt, sinn:

Afro-Asiatesch Sproochen
Niger-Kordofanesch-Sproochen
- Swahili
- Shona
- Wolof (Senegal)
- Yoruba (Nigeria, Benin)
- Zulu
Nilotesch Sproochen
Khoisan-Sproochen

Politik

Den afrikanesche Kontinent ass dee mat deene meeschte gescheiterte Staaten. Et gëtt nach ëmmer vill Länner, an deenen d'Mënscherechter oder d'Demokratie kleng geschriwwe ginn.
Zanter der Grënnung vun der Afrikanescher Union (AU) besteet d'Hoffnung, datt dës Problemer geléist kënne ginn.

Ekonomie

Tourismus

Haaptexportartikel

Kakao: ongeféier 70 % vun der Weltproduktioun
Diamanten: ongeféier 50 % vun der Weltproduktioun
Gold: ongeféier 25 % vun der Weltproduktioun
Pëtrol: ongeféier 10 % vun der Weltproduktioun

Opdeelung

Geographesch Opdeelung

Afrika ass a fënnef Regiounen opgedeelt:

Länner

Zum afrikanesche Kontinent gehéieren:

54 Memberstaate vun de Vereenten Natiounen,
1 Staat déi nëmmen deels unerkannt ass,
11 Gebidder vun net-afrikanesche Staaten,
2 Territoiren déi vun enger anerer Natiounen ofhängeg sinn.

D'Länner mat de meeschten Awunner sinn Nigeria, Ethiopien an Egypten iwwerdeems déi gréisst Länner (der Fläch no) Algerien, d'Demokratesch Republik Kongo an de Sudan sinn.

Méi Informatioun doriwwer am Artikel: Lëscht vun de Staate vun der Welt.

Membere vun de Vereenten Natiounen

Nr	Regioun	Staat oder Territoire	Offizielle Staatsnumm	Haaptstad	Amtssprooch(en)
1	Nordafrika	Algerien	Demokratesch Volleksrepublik Algerien	Algier	Arabesch, Kabylesch
2	Südlecht Afrika	Angola	Republik Angola	Luanda	Portugisesch
3	Westafrika	Benin	Republik Benin	Porto Novo	Franséisch
4	Südlecht Afrika	Botswana	Republik Botsuana	Gaborone	Englesch, Setswana
5	Westafrika	Burkina Faso	Burkina Faso	Ouagadougou	Franséisch
6	Zentralafrika	Burundi	Republik Burundi	Gitega	Englesch, Franséisch, Kirundi
7	Westafrika	Cap Vert	Republik Cap Vert	Praia	Portugisesch
8	Westafrika	Côte d'Ivoire	Republik Côte d'Ivoire	Yamoussoukro (de jure) Abidjan (de facto)	Franséisch
9	Ostafrika	Dschibuti	Republik Dschibuti	Dschibuti	Arabech, Franséisch
10	Nordafrika	Egypten	Arabesch Republik Egypten	Kairo	Arabesch
11	Zentralafrika	Equatorialguinea	Republik Equatorialguinea	Malabo (de jure) Ciudad de la Paz (de facto)	Portugisesch, Spuenesch, Franséisch
12	Ostafrika	Eritrea	Staat Eritrea	Asmara	Arabesch, Tigrinya
13	Südlecht Afrika	Eswatini	Kinnekräich Eswatini	Mbabane (de jure) Lobamba (de facto)	Englesch, Siswati
14	Ostafrika	Ethiopien	Demokratesch Bundesrepublik Ethiopien	Addis Abeba	Amharesch
15	Zentralafrika	Gabun	Gabunesch Republik	Libreville	Franséisch
16	Westafrika	Gambia	Republik Gambia	Banjul	Englesch
17	Westafrika	Ghana	Republik Ghana	Accra	Englesch
18	Westafrika	Guinea	Republik Guinea	Conakry	Franséisch
19	Westafrika	Guinea-Bissau	Republik Guinea-Bissau	Bissau	Portugisesch
20	Zentralafrika	Kamerun	Republik Kamerun	Yaoundé	Englesch, Franséisch
21	Ostafrika	Kenia	Republik Kenia	Nairobi	Englesch, Swahili
22	Ostafrika	Komoren	Unioun vun de Komoren	Moroni	Arabesch, Franséisch, Komoresch
23	Zentralafrika	Demokratesch Republik Kongo	Demokratesch Republik Kongo	Kinshasa	Franséisch
24	Zentralafrika	Republik Kongo	Republik Kongo	Brazzaville	Franséisch
25	Südlecht Afrika	Lesotho	Kinnekräich Lesotho	Maseru	Englesch, Sesotho
26	Westafrika	Liberia	Republik Liberia	Monrovia	Englesch
27	Nordafrika	Libyen	Libyen	Tripolis	Arabesch
28	Ostafrika	Madagaskar	Republik Madagaskar	Antananarivo	Franséisch, Malagasy
29	Südlecht Afrika	Malawi	Republik Malawi	Lilongwe	Chichewa, Englesch
30	Westafrika	Mali	Republik Mali	Bamako	Franséisch
31	Nordafrika	Marokko^[2]	Kinnekräich Marokko	Rabat	Arabesch, Marokkanescht Tamazight
32	Nordafrika	Mauretanien	Islamesch Republik Mauretanien	Nouakchott	Arabesch
33	Ostafrika	Mauritius	Republik Mauritius	Port Louis	Englesch
34	Südlecht Afrika	Mosambik	Republik Mosambik	Maputo	Portugisesch
35	Südlecht Afrika	Namibien	Republik Namibia	Windhoek	Englesch
36	Westafrika	Niger	Republik Niger	Niamey	Englesch, Hausa, Igbo, Yoruba
37	Westafrika	Nigeria	Bundesrepublik Nigeria	Abuja	Englesch, Franséisch, Kinyarwanda, Swahili
38	Ostafrika	Ruanda	Republik Ruanda	Kigali	Englesch
39	Südlecht Afrika	Sambia	Republik Sambia	Lusaka	Englesch
40	Zentralafrika	São Tomé a Príncipe	Demokratesch Republik São Tomé a Príncipe	São Tomé	Portugisesch
41	Westafrika	Senegal	Republik Senegal	Dakar	Franséisch
42	Ostafrika	Seychellen	Republik Seychellen	Victoria	Englesch, Franséisch, Seychellenkreol
43	Westafrika	Sierra Leone	Republik Sierra Leone	Freetown	Englesch
44	Südlecht Afrika	Simbabwe	Republik Simbabwe	Harare	Chichewa, Chibarwe, Englesch, Kalanga, Khoisan, Nambya, Ndau, Nord-Ndebele, Shangani, Sotho, Shona, Chitonga, Setswana, Tshivenda, IsiXhosa
45	Ostafrika	Somalia^[3]	Republik Somalia	Mogadischu	Arabesch, Somali
46	Südlecht Afrika	Südafrika	Republik Südafrika	Bloemfontein (Judikativ) Kapstad (Legislativ) Pretoria (Exekutiv)	Afrikaans, Englesch, Süd-Ndebele, isiXhosa, isiZulu, Nord-Sotho, Sesotho, Setswana, Siswati, Tshivenda, Xitsonga
47	Ostafrika	Sudan	Republik Sudan	Khartum	Arabesch, Englesch
48	Ostafrika	Südsudan	Republik Südsudan	Dschuba	Englesch
49	Ostafrika	Tansania	Vereenegt Republik Tansania	Dodoma (de jure) Daressalam (de facto)	Englesch, Swahili
50	Westafrika	Togo	Republik Togo	Lomé	Franséisch
51	Zentralafrika	Tschad	Republik Tschad	N'Djamena	Arabesch, Franséisch
52	Nordafrika	Tunesien	Tuneesesch Republik	Tunis	Arabesch
53	Ostafrika	Uganda	Republik Uganda	Kampala	Englesch, Swahili
54	Zentralafrika	Zentralafrikanesch Republik	Zentralafrikanesch Republik	Bangui	Franséisch, Sango

Net universell unerkannt Staaten

Nr	Regioun	Staat oder Territoire	Offizielle Staatsnumm	Haaptstad	Amtssprooch(en)
1	Nordafrika	Westsahara^[4]	Demokratesch Arabesch Republik Sahara	Ajun (de jure) Tifariti (de facto)	Arabesch, Spuenesch

Gebidder vun net-afrikanesche Staaten

Nr	Territoire	Mammeland	Haaptstad
1	Alhucemas-Inselen	Spuenien	–
2	Ceuta	Spuenien	–
3	Chafarinas-Inselen	Spuenien	–
4	Kanaresch Inselen	Spuenien	Santa Cruz de Tenerife an Las Palmas de Gran Canaria
5	Madeira	Portugal	Funchal
6	Mayotte	Frankräich	Mamoudzou
7	Melilla	Spuenien	–
8	Pelagesch Inselen	Italien	–
9	Peñón de Vélez de la Gomera	Spuenien	–
10	Réunion	Frankräich	Saint-Denis
11	Sokotra	Jemen	Hadibu

Ofhängeg Gebidder

Nr	Territoire	Mammeland	Haaptstad
1	Franséisch Süd- an Antarktisgebidder	Frankräich	Saint-Pierre op La Réunion
2	Saint Helena, Ascension an Tristan da Cunha	Vereenegt Kinnekräich	Jamestown

Kuckt och

Um Spaweck

Commons: Afrika – Biller, Videoen oder Audiodateien

Referenzen

1 2 (en) Africa Population 2025. worldpopulationreview.com. Gekuckt den 18.07.2025.
↑ ouni Westsahara
↑ inklusiv Somaliland
↑ Anescht wéi d'AU als Ganzt, erkennt d'Majoritéit vun de Memberstaaten d'Republik net un (just 19 AU-Staaten erkennen s'un, 17 weiderer hunn hir ursprénglech Unerkennung zeréckgezunn). D'Gebitt ass bal komplett ënner der Kontroll vu Marokko.

[:0-1] 1 2 (en) Africa Population 2025. worldpopulationreview.com. Gekuckt den 18.07.2025.

[2] uni Westsahara

[3] usiv Somaliland

[4] Anescht wéi d'AU als Ganzt, erkennt d'Majoritéit vun de Memberstaaten d'Republik net un (just 19 AU-Staaten erkennen s'un, 17 weiderer hunn hir ursprénglech Unerkennung zeréckgezunn). D'Gebitt ass bal komplett ënner der Kontroll vu Marokko.

[1]

[2]

[3]

[4]

k d ä Kontinenter
Kontinenter	Afrika Antarktika Asien Australien Europa Nordamerika Südamerika
Kontinentkomplexer	Afrika-Eurasien Amerika Eurasien Ozeanien