Otao

Otao
	Euskal Herria
Kokapena
Herrialdea	Nafarroa
Udalerria	Elortzibar
Geografia
Koordenatuak	42°42′49″N 1°34′06″W / 42.7137473°N 1.5682555°W
Garaiera	601 m
Demografia
Biztanleria	7 (2020)

Artikulu hau Elortzibarko kontzejuari buruzkoa da; Nafarroako presidente-ohia gaitzat duena beste hau da: «Javier Otano»

Otao^[1]^[2] Noain Elortzibarko kontzejua da. 2007ko urtarrilaren 1eko erroldan, 11 biztanle zituen.

Kokapena

Elortzibarko hegoaldean dago Otao, NA-234 edo Tebasko errepidearen ondoan. Herri mugakideak honakoak dira: Ezperun mendebaldean, Zabalegi ipar-mendebaldean, Elortz iparraldean, Iharnotz ekialdean, eta Alaitzeko mendilerroa hegoaldean.

Historia

Antzinako jaurerria, 1280an urteroko 32 soldata ordaintzen zituen petxa moduan. 1466an Leonor printzesak Juan Gurpideri eman zion jaurerriaren gaineko jabetza. Jerusalengo San Joan Ospitale ordeneko kideek hainbat jabetza izan zituzten Otaon XIII. mendean zehar.

1847ra arte, herria Elortzibarko diputatuak eta herritarren artean aukeratutako erregidoreak zuzentzen zuten. 1803an errota eta urtero 1.200 errealgo zuzkidura zuen eskola zituen.

Kaleak

San Salvador kalea

Demografia eta biztanleria

Otaoko biztanleria
2000	2001	2002	2003	2004	2005	2006	2007
9	9	9	9	10	11	11	11

Ondarea

Herriko eliza, inguruko bertze elizak bezala, hagitz zaharberritua izan zen XVI. mendean. Erdi aroko eliza originalaz mantentzen den bakarra koruaren zatia da.