Oritz (Noain Elortzibar)

Oritz
Euskal Herria
Kokapena
Herrialdea	Nafarroa
Udalerria	Elortzibar
Geografia
Koordenatuak	42°43′25″N 1°37′04″W
Demografia
Biztanleria	4 (2022)

Oritz Noain Elortzibarko kontzejua da. 2007ko urtarrilaren 1eko erroldan, 11 biztanle zituen.

Kokapena

Kontzejuaren iparraldean Imarkoaingo Garraioaren Hiria dago. Oritz AP-15 autobidearen ekialdean dago.

Kontzejuaren herri mugakideak honakoak dira: Gerendiain hego-ekialdean, Dorre eta Elortz ekialdean, eta Tebas hego-mendebaldean.

Historia

Oritz Erdi Aroko jaurerria izan zen eta Nafarroako erreinuko gobernuan kargu garrantzitsuak zituen familia baten jatorrizko herria izan zen. XIV. mendearen bigarren erdian, herriak Izurri Beltza eta Gaztelako ejerzitoaren erasoak jasan behar izan zituen. 1378an gaztelarrek herriari su eman zioten.

Jaurerriak hainbat jabe izan zituen, tartean Cruzat familia eta Gongorako markesa. Herria Elortzibarko diputatuak eta herritarren artean aukeratutako erregidoreak gobernatu zuten XIX. mendearen erdira arte.

Demografia eta biztanleria

Orizko biztanleria

2000	2001	2002	2003	2004	2005	2006	2007
14	13	13	13	13	13	12	11

Ondarea

Orizko jauregia

Herriko etxeen artean Cruzat familiarena izan zen XVI. mendeko jauregia nabarmentzen da. Beranduago XVIII. mendean Gongorako markesarena izan zen. Eraikinak hainbat aldaketa jasan ditu eta jatorrizko itxura ia erabat galdu da.

Herrigunetik gertu San Adrian eliza dago.

Ikus, gainera

• Noain Elortzibar

Kanpo estekak

• San Adrian kalearen ikuspegia Google Street View-n.

• Datuak: Q12265262
• Multimedia: Oriz (Navarra) / Q12265262