Maestrazgo, Teruel

Maestrazgo, Teruel
Nome orixinal    Maestrazgo (es)
Instancia de comarca de Aragón
Localización  Situado en  provincia de Teruel, Aragón, España  Situado na entidade xeográfica Maestrazgo (pt)  Capital Cantavieja  Comparte fronteira con Bajo Aragón Comunidade de Teruel Cuencas Mineras Gúdar-Javalambre Ports Andorra-Sierra de Arcos  Coordenadas 40°31′11″N 0°21′06″O
Cifras e dimensións  Poboación 3.115 (2024) 3.737  Superficie    1.204,3 km²
Códigos e identificadores Freebase /m/0dlmz0y
Wikidata C:Commons

O Maestrazgo é unha comarca de Aragón, en España, situada no leste da provincia de Teruel. A súa capital é Cantavieja.

Municipios

A comarca engloba os municipios de Allepuz, Bordón, Cantavieja, Cañada de Benatanduz, Castellote, La Cuba, Fortanete, La Iglesuela del Cid, Mirambel, Miravete de la Sierra, Molinos, Pitarque, Tronchón, Villarluengo e Villarroya de los Pinares.

Xeografía

Limita ao norte co Bajo Aragón, ao oeste con Andorra-Sierra de Arcos, Cuencas Mineras e a Comunidade de Teruel, ao sur con Gúdar-Javalambre e ao leste coa provincia de Castelló. O norte da bisbarra pódese considerar parte do Bajo Aragón Histórico.

Parte do seu territorio está ocupado polo Monumento natural das Grutas de Cristal de Molinos, o Monumento natural do Nacemento do Río Pitarque, o Monumento natural dos Órganos de Montoro e o Monumento natural da Ponte de Fonseca.

Historia

As poboacións do Maestrazgo pertenceron na súa maioría á Orde do Temple e, tras a súa disolución pasaron aos Hospitalarios. Así Cantavieja, Mirambel, Villarluengo e outros lugares conservan cascos históricos medievais, recintos amurallados ou restos de castelo que demostran o carácter defensivo e fronteirizo que tiveron estas terras. Noutras vilas como Cañada de Benatanduz só quedan as ruínas medievais.

O xeneral Ramón Cabrera actuou na zona durante a Primeira Guerra Carlista (1833 -1840). Os seus pasos levaron a algúns escritores do século XIX a colocar a trama dos seus relatos no Maestrazgo, entre os que destaca Benito Pérez Galdós.

Véxase tamén

Ligazóns externas

• Comarca do Maestrazgo (en castelán)
• Comarcalización de Aragón, Maestrazgo Arquivado 15 de novembro de 2022 en Wayback Machine. (en castelán)