UEFA
| UEFA | |||
| Fil:UEFA logo.svg, Uefa logo.svg | |||
| Skipa | 15. juni 1954 | ||
|---|---|---|---|
| Hovudkontor | Nyon | ||
| Leiar | Aleksander Čeferin | ||
| Verkeområde | Europa | ||
| Medlemmer | 55 | ||
| Motto | We care about football | ||
| Nettstad | https://www.uefa.com  | ||
Union of European Football Associations (UEFA, fransk Union des associations européennes de football) er det europeiske fotballforbundet som vart skipa 15. juni 1954 i Basel i Sveits. Forbundet er mest kjend under forkortinga UEFA. EUFA er sjølv medlem av FIFA, det internasjonale fotballforbundet. I 2016 vart Aleksander Čeferin vald til ny president i UEFA etter Michel Platini.[1]
Medlemsland
[endre | endre wikiteksten]UEFA har 53 medlemmer, og av desse har 46 eit aktivt kvinnelandslag. Samtlege lag innanfor den geografiske definisjonen av Europa er medlemmer, med unntak av Monaco, Storbritannia og Vatikanstaten. Til gjengjeld har England, Wales, Skottland, Nord-Irland og Færøyane eigne landslag, på tross av at dei ikkje er sjølvstendige nasjonar.
I tillegg er asiatiske land som Armenia, Aserbajdsjan, Georgia, Israel, Kasakhstan og Kypros medlemmer, og både Russland og Tyrkia, som er geografisk delt til både Europa og Asia, høyrer til UEFA. For Israel var det nødvendig å flytte ettersom dei fleste motstandarane deira i Asia ikkje anerkjende dei, og dermed ikkje ville spele mot dei (mellom 1974 og 1994 spelte Israel i Oseania). Kypros sin geografiske situasjon lét dei velje mellom Europa, Asia og Afrika, og dei valde Europa. Kasakhstan gjekk frå Asia til Europa etter semje med UEFA.
Turneringar
[endre | endre wikiteksten]Noverande
[endre | endre wikiteksten]Organisasjonen arrangerer no følgjande fotballturneringar:
- EM: Europameisterskap for landslag, som vert halde kvart fjerde år, kor det seinaste var i 2008 i Austerrike/Sveits og det neste er i 2012 i Polen/Ukraina.
- EM U/21: Europameisterskap for U/21-landslag, som vert halde annakvart år, kor det seinaste var i 2009 i Sverige og det neste er i 2011 i Danmark.
- UEFA Champions League: Den mest prestisjefylte klubbturneringa i verda. Fungerer også som ei form for uoffisielt europameisterskap for klubblag. Vinnaren av turneringa kvalifiserer seg til FIFA Club World Cup.
- UEFA Europa League: Ei samanslutning av UEFA sine to tidlegare turneringar UEFA Cup og Intertoto Cup.
Tidlegare
[endre | endre wikiteksten]Organisasjonen har tidlegare arrangert følgjande fotballturneringar:
- UEFA Intertoto Cup: Ei annleis sommarturnering for klubblag, med tre vinnarar, som får tilgang til UEFA Cup. Avløyste International Football Cup. Turneringa vart spelt for siste gong i 2008.
- UEFA Cup: Ei turnering for dei «nest-beste» laga i dei nasjonale forbunda, samt for pokalvinnaren. Vart spelt for siste gong i 2008-09-sesongen. Vart bytta ut med UEFA Europa League.
- UEFA Pokalvinnarane sin Europa Cup: Ei europeisk turnering for pokalvinnarane. Vart spelt for siste gong i 1998.
Medlemsland
[endre | endre wikiteksten]
.svg){kind=small}
.svg){kind=small}
Presidentar i UEFA
[endre | endre wikiteksten]| Nr. | Namn | Periode |
|---|---|---|
| 1. |  Ebbe Schwartz | 1954–1962 |
| 2. |  Gustav Wiederkehr | 1954–1972 |
| 3. |  Artemio Franchi | 1972–1983 |
| 4. |  Jacques Georges | 1983–1990 |
| 5. |  Lennart Johansson | 1990–2007 |
| 6. | Michel Platini | 2007–2016 |
| 7. |  Aleksander Čeferin | 2016– |
Kjelder
[endre | endre wikiteksten]- UEFA-COEFFICIENTS.COM - Country Ranking, Champions League and Europa League statistics
- Denne artikkelen bygger på «UEFA» frå Wikipedia på bokmål, den 21. juli 2011, «Liste over medlemmer i UEFA» frå Wikipedia på bokmål, den 21. juli 2011 og «UEFA» frå Wikipedia på dansk, den 21. juli 2011.
- Referansar
- ↑ «UEFA President: Aleksander Čeferin» (på engelsk). UEFA. Henta 10. oktober 2023.
