13. október

Sep – Október – Nóv
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2026 Allir dagar

13. október er 286. dagur ársins (287. á hlaupári) samkvæmt gregoríska tímatalinu. 79 dagar eru eftir af árinu.

Atburðir

• 50 - Neró tók við sem Rómarkeisari eftir láti Claudíusar.
• 1307 - Allir musterisriddarar í Frakklandi voru handteknir samkvæmt skipun Filippusar fagra og pyntaðir þar til þeir játuðu á sig villutrú.
• 1312 - Klemens 5. páfi leysti upp reglu Musterisriddara og lagði hana niður.
• 1399 - Hinrik 4. var krýndur konungur Englands.
• 1637 - Línuherskipi Konunglega enska sjóhersins, Sovereign of the Seas, var hleypt af stokkunum.
• 1659 - Enska borgarastyrjöldin: John Lambert rak Afgangsþingið út.
• 1857 - Bankahrun varð í New York. Bönkunum var lokað og þeir ekki opnaðir aftur fyrr en 12. desember.
• 1943 - Síðari heimsstyrjöldin: Ítalía lýsti fyrrum bandamanni sínum Þýskalandi stríð á hendur.
• 1944 - Síðari heimsstyrjöld: Ítalir lýstu Þjóðverjum stríði á hendur.
• 1950 - Bandaríska kvikmyndin Allt um Evu var frumsýnd.
• 1972 - Andesflugslysið: Flugvél sem flutti ruðningslið frá Úrúgvæ til Chile hrapaði í Andesfjöllum.
• 1975 - 5000 maoríar gengu til Wellington til að krefjast þess að fá land sitt aftur.
• 1977 - Þýska haustið: Fjórir Palestínumenn rændu flugvél frá Lufthansa á leið til Sómalíu og kröfðust lausnar ellefu meðlima Rote Armee Fraktion.
• 1978 - Ola Ullsten varð forsætisráðherra Svíþjóðar.
• 1987 - Kýrin Harpa synti yfir Önundarfjörð frá Flateyri að Kirkjubóli í Valþjófsdal á flótta þegar leiða átti hana til slátrunar. Eftir sundafrekið var hún nefnd Sæunn og fékk að lifa lengur.
• 1989 - Dow Jones-vísitalan féll um 190,58 stig vegna hruns áhættubréfamarkaðarins.
• 1990 - Sýrlandsher réðist inn í Líbanon og batt enda á borgarastyrjöldina þar.
• 1991 - Bandalag lýðræðisaflanna í Búlgaríu sigraði í þingkosningum. Þar með var enginn kommúnistaflokkur lengur við völd í Austur-Evrópu.
• 1994 - Bókmenntaverðlaun Tómasar Guðmundssonar voru veitt í fyrsta sinn og hlaut þau Helgi Ingólfsson.
• 1996 - Eldgosi, sem hafði hafist í Gjálp 2. október sama ár, lauk.
• 1996 - Strandakirkja var endurvígð eftir endurbætur.
• 1997 - Gamanþátturinn Fóstbræður hóf göngu sína á Stöð 2.
• 1997 - Stærsti banki Norðurlanda, Merita-Nordbanken, varð til við sameiningu Nordbanken og Merita.
• 1999- Öldungadeild Bandaríkjanna hafnaði Samningnum um allsherjarbann við tilraunum með kjarnavopn.
• 2000 - Starfsgreinasamband Íslands var stofnað.
• 2000 - OpenOffice.org varð til þegar Sun Microsystems gaf út frumkóða skrifstofuvöndulsins StarOffice.
• 2006 - Íslenska vefritið Vefritið hóf göngu sína.
• 2006 - Suður-Kóreumaðurinn Ban Ki-moon var kosinn aðalritari Sameinuðu þjóðanna.

• 2010 - Námaverkamönnunum 33 sem lokaðir höfðu verið inni í San José-námunni í Chile í 69 daga var bjargað upp um borholu, um 60 cm í þvermál, sem boruð hafði verið niður til þeirra. Sjálf björgunin tók tæpan sólarhring.
• 2013 - Troðningur í hindúahofi í Madhya Pradesh á Indlandi varð til þess að 89 létust.
• 2016 - Maldíveyjar tilkynntu úrsögn sína úr Breska samveldinu.
• 2016 - Konungur Taílands, Rama 9., lést.
• 2016 - Tilkynnt var að Bob Dylan hefði hlotið bókmenntaverðlaun Nóbels.
• 2019 - Kais Saied var kjörinn forseti Túnis í annarri umferð forsetakosninga þar í landi.
• 2019 - Þingkosningar fóru fram í Póllandi. Ríkisstjórn Laga og réttlætis vann sigur og viðhélt hreinum þingmeirihluta sínum.

Fædd

• 1162 - Elinóra Kastilíudrottning, kona Alfonsar 8. (d. 1214).
• 1863 - Bjarni Jónsson frá Vogi, íslenskur alþingismaður (d. 1926).
• 1908 - Steinn Steinarr, íslenskt skáld (d. 1958).
• 1909 - Agnar Klemens Jónsson, íslenskur lögfræðingur (d. 1984).
• 1924 - Guðlaugur Þorvaldsson, íslenskur viðskiptafræðingur (d. 1996).
• 1925 - Margaret Thatcher, breskur stjórnmálamaður (d. 2013).
• 1927 - Turgut Özal, 8. forseti Tyrklands (d. 1993).
• 1931 - Raymond Kopa, franskur knattspyrnuleikari.
• 1934 - Nana Mouskouri, grísk söngkona.
• 1941 - Paul Simon, bandarískur tónlistarmaður.
• 1945 - Desi Bouterse, forseti Súrínam.
• 1958 - Jamal Khashoggi, sádiarabískur blaðamaður (d. 2018).
• 1965 - Steinunn Kristjánsdóttir, íslenskur fornleifafræðingur.
• 1971 - Sacha Baron Cohen, enskur leikari.
• 1977 - Paul Pierce, bandarískur körfuknattleiksmaður.
• 1982 - Denis Buntić, króatískur handknattleiksmaður.
• 1982 - Kári Árnason, íslenskur knattspyrnumaður.
• 1988 - Úlfur Karlsson, íslenskur kvikmyndagerðarmaður.
• 1989 - Alexandria Ocasio-Cortez, bandarískur stjórnmálamaður.

Dáin

• 54 - Claudíus, Rómarkeisari (f. 10 f.Kr.).
• 64 - Pétur postuli (f. 1 f.Kr.).
• 1361 - Arngrímur Brandsson, skáld og ábóti í Þingeyraklaustri.
• 1382 - Pétur 2. konungur Kýpur.
• 1644 - Pros Mund, danskur flotaforingi (f. um 1589).
• 1673 - Christoffer Gabel, höfuðsmaður Færeyja (f. 1617).
• 1687 - Geminiano Montanari, ítalskur stjörnufræðingur (f. 1633).
• 1715 - Nicolas Malebranche, franskur heimspekingur (f. 1638).
• 1815 - Joachim Murat, franskur marskálkur og konungur Napólí, tekinn af lífi (f. 1767).
• 1928 - María Fjodorovna, keisaraynja Rússlands (f. 1847).
• 1946 - Helen Bannerman, skoskur barnabókahöfundur (f. 1862).
• 1990 - Alfreð Gíslason, læknir og stjórnmálamaður (f. 1905).
• 1990 - Lê Đức Thọ, víetnamskur stjórnmálamaður (f. 1911).
• 1992 - Haukur Morthens, íslenskur söngvari (f. 1924).
• 2016 - Dario Fo, ítalskt leikskáld (f. 1926).
• 2016 - Bhumibol Adulyadej, konungur Tailands (f. 1927).