Basilicata

Basilicata

Localización
40°30′N 16°30′L
País	Italia
Capital	Potenza
Contén a división administrativa	Provincia de Matera Provincia de Potenza
Poboación
Poboación	547.579 (2020) (54,79 hab./km²)
Xeografía
Superficie	9.994,61 km²
Bañado por	Mar Xónico
Altitude	633 m
Comparte fronteira con	Campania Puglia Calabria
Santo padrón	Gerardo Magela (pt)
Organización política
Órgano executivo	Government of Basilicata (en)
• President of Basilicata (en)	Vito Bardi (pt) (2019–)
Órgano lexislativo	Regional Council of Basilicata (en) Circunscrición: 2, (Escano: 21)
Identificador descritivo
Fuso horario	UTC+01:00, horario estándar UTC+02:00, horario de verán
ISO 3166-2	IT-77
Código NUTS	ITF5
Identificador ISTAT	17
Outro
Irmandado con	Buenos Aires
Sitio web	regione.basilicata.it

Centro de Potenza, capital da Basilicata.

Basilicata, tamén chamada Lucania, é unha rexión da Italia meridional con preto de 600 000 habitantes. A capital da rexión é Potenza. Basilicata limita ao sueste co mar Xónico (Golfo de Taranto), ao leste coa Puglia, ao oeste coa Campania, ao suroeste co mar Tirreno e ao sur coa Calabria. As cidades principais son Potenza, e Matera (capital da súa provincia), Pisticci, Melfi e Policoro.

Xeografía

O territorio de Basilicata é sobre todo montañoso (46,8%). O cumios principais do Apenino Lucano son: Pollino (2248 m), Sirino (2007 m), Papa (2000 m), Volturino (1836 m) e Serranetta (1472 m). Na área norteoccidental da rexión áchase un volcán inactivo, o monte Vulture. Os outeiros ocupan o 45,13% e as chairas só o 1,8%, e entre elas a maior é a chaira de Metaponto que ocupa a parte meridional da rexión, ao longo da costa xónica. Os ríos lucanos son torrenteiras, entre a que destaca o Bradano, o Basento, o Agri, o Sinni e o Cavone. Entre os lagos e encoros, o de Monticchio ten orixe volcánica, mentres que os de Pietra del Pertusillo, San Giulano e Monte Cotugno son artificiais, construídos para consumo humano e regadíos. As costas do litoral xónico son baixas e areosas, mentres as do litoral tirrénico son altas e rochosas. O clima é de tipo mediterráneo nas costas e continental nas zonas de montaña.

Poboación

Mapa das provincias lucanas

A Basilicata divídese en dúas provincias: Potenza e Matera. Os principais núcleos de poboación da Basilicata son:

Posición	Concello	Poboación
1°	Potenza	68 252
2°	Matera	59 738
3°	Pisticci (Mt)	17 810
4°	Melfi (Pz)	17 191
5°	Policoro (Mt)	15 653
6°	Lavello (Pz)	13 672
7°	Lauria (Pz)	13 561
8°	Rionero in Vulture (Pz)	13 413
9°	Bernalda (Mt)	12 183
10°	Venosa (Pz)	12 093
11°	Avigliano(Pz)	12 055
12°	Montescaglioso (Mt)	10 043