Kalaabrje

Kalaabrje
Flagge	Wapen
Lokaasje yn Itaalje
Algemien
Haadstêd	Catanzaro
Oerflakte	15.221,90 km²
Befolking	1.834.518 (30.06.2024)
Befolkingstichtens	120,52 ynw./km²
Oare ynformaasje
Heechste punt	Serra Dolcedorme: 2267
Oantal gemeenten	404
Provinsjes	Catanzaro, Cosenza, Crotone, Reggio Calabria, Vibo Valentia

Kalaabrje (Italjaansk: Calabria) is in regio yn it suden fan Itaalje, súdlik fan Napels, dy't oprjochte waard yn 1861. De regio foarmet feitlik de súdwestlike punt oan de foarkant fan de Lears fan Itaalje. Yn it noarden wurdt er begrinze troch de regio Basilikata, yn it westen troch de Tyrreenske See en yn it easten troch de Ioanyske See. Kalaabrje leit foar it eilân Sisylje oer mei dêr tusken de Strjitte fan Messina. It oerflak fan de regio beslacht sa'n 15.200 km² en der wenje likernôch 1,8 miljoen minsken (2024).

De regionale haadstêd is Catanzaro. Simmerdeis wurdt de regio in soad troch toeristen besocht.

Skiednis

Kalaabrje wie eartiids in wichtich sintrum fan de Grykske beskaving, noch foar de opkomst fan it Romeinske Ryk. Dêr libbe ek de ferneamde wiskundige Pytagoras. Yn it Nasjonaal Museum fan Reggio Calabria steane de bekende Grykske bylden, de Bronzi di Riace.

Byzantynske tsjerke, Stilo.

De regio makke jierren diel út fan it Romeinske Ryk en hearde dêrnei by it Byzantynske Ryk. Letter kaam er ûnder de macht fan Noarmannen, dy't it keninkryk Napels stiften dat lange tiid oer Kalaabrje hearskje soe oant en mei de ienwurding fan Itaalje. Ferskate dynastyen hawwe oer it keninkryk hearske. Al dy tiid bleau Kalaabrje in earm en eftersteld gebiet. De Aspromonte, in bercheftige krite yn sintraal Kalaabrje, wie ek it toaniel fan de ferneamde slach fan de Risorgimento (ienwurding fan Itaalje) dêr't Garibaldi ferwûne rekke.

Lang hat de organisearre misdied yn 'e regio sterk oanwêzich west, itjinge tsjintwurdich yn betsjutting ôfnimt .

Provinsjes

De regio is opdield yn fiif provinsjes, dy't nei de haadstêden ferneamd binne.

Kaart	Wapen	Provinsje	Ofk.	Haadstêd	Tal gemeenten	Ynw.
		Catanzaro	CZ	Catanzaro	80	340.679
		Cosenza	CS	Cosenza	150	668.992
		Crotone	KR	Crotone	27	160.775
		Reggio di Calabria	RC	Reggio di Calabria	97	516.601
		Vibo Valentia	VV	Vibo Valentia	50	149.899

Gemeenten

Posysje	Wapen	Gemeente	Provinsje Metropolitane stêd	Ynw.	Oerflak (km²)
1		Reggio Calabria	RC	170.567	239,04
2		Catanzaro	CZ	84.415	112,72
3		Corigliano-Rossano	CS	73.913	346,56
4	-	Lamezia Terme	CZ	67.041	162,43
5		Cosenza	CS	63.741	37,86
6		Crotone	KR	58.179	179,83
7	-	Rende	CS	36.462	55,28
8		Vibo Valentia	VV	31.032	46,57
9	-	Castrovillari	CS	20.734	130,64
10		Montalto Uffugo	CS	20.095	76,67
11		Gioia Tauro	RC	19.184	39,87
12		Acri	CS	18.760	200,63
13		Palmi	RC	18.024	32,12
14		Siderno	RC	17.562	31,86
15		Isola di Capo Rizzuto	KR	17.424	126,65
16	-	Cassano all'Ionio	CS	16.465	159,07
17		San Giovanni in Fiore	CS	15.825	282,53
18	-	Taurianova	RC	14.811	48,55
19	-	Paola	CS	14.690	42,88
20	-	Rosarno	RC	14.369	39,56

Ofbylden

• 
  Reggio Calabria.
• 
  Santa Maria dell'Isola, Tropea.
• 
  Scilla.
• 
  Cosenza.
• 
  Varia di Palmi (lêste snein augustus).

Ofbylden dy't by dit ûnderwerp hearre, binne te finen yn de kategory Kalaabrje fan Wikimedia Commons.

Regio's fan Itaalje
Abruzzen - Aostadelling - Apûlje - Basilikata - Emylje-Romanje - Friûly-Julysk Feneesje - Kalaabrje - Kampaanje - Latium - Liguerje - Lombardije - Marke - Molise - Piëmont - Sardynje - Sisylje - Trentino-Súd-Tiroal - Toskane - Umbrje - Veneto
· ·