Purpurgorĝa kotingo
 | ||||||||||||||
|---|---|---|---|---|---|---|---|---|---|---|---|---|---|---|
;_Parauapebas,_Par%C3%A1,_Brazil.jpg) Plenkreska masklo en Brazilo
;_Parauapebas,_Par%C3%A1,_Brazil.jpg) Plenkreska ino en Brazilo | ||||||||||||||
| Biologia klasado | ||||||||||||||
| ||||||||||||||
| Querula purpurata (Müller, PLS, 1776) | ||||||||||||||
| Konserva statuso | ||||||||||||||
 Natura arealo
| ||||||||||||||
Subspecioj | ||||||||||||||
|
Unutipa | ||||||||||||||
Sinonimoj | ||||||||||||||
|
Muscicapa purpurata (pranomo) | ||||||||||||||
Aliaj Vikimediaj projektoj | ||||||||||||||
La purpurgorĝa kotingo[1] (latine Querula purpurata) estas unutipa birdospecio el la familio de kotingedoj. Ĝi estas la ununura specio de la genro Querula. Ĝi troviĝas en Centrameriko kaj Sudameriko.
Taksonomio
[redakti | redakti fonton]Laŭ AviList[2], jen ĉi-sube la listo de la akceptitaj taksonoj por tiu specio, kaj ties Esperantaj nomoj[1]:
- Passeriformes - paseroformaj
- Cotingidae - kotingedoj
- Querula Vieillot, LJP, 1816
- Querula purpurata (Müller, PLS, 1776) - purpurgorĝa kotingo
- Querula Vieillot, LJP, 1816
- Cotingidae - kotingedoj
Etimologio
[redakti | redakti fonton]La scienca genra nomo Querula venas el latino quĕrŭlus (= "plenda"), pro la kanto de tiu specio kiu similas al plendo[3].
La specia epiteto purpurata estas latina vorto signifanta "purpura" pro la malhele purpura koloro de la plumaro de masklo ĉe la gorĝo[3].
Aspekto
[redakti | redakti fonton]La purpurgorĝa kotingo estas 25 ĝis 30 cm longa kaj pezas 91 ĝis 133 g. Plenkreskaj maskloj havas brile nigrajn suprajn partojn kaj pli obtuze nigrajn subajn partojn. Iliaj gorĝoplumoj estas malhelruĝecviolaj; ili estas longaj kaj kvadratpintaj kaj formas "ŝildon" ĉe la flankoj kaj supra brusto. Plenkreskaj inoj estas ĝenerale obtuze nigraj kaj ne havas la ŝildon, kvankam ili povas havi kelkajn karmezinajn plumojn sur la gorĝo. Ambaŭ seksoj havas malhelbrunajn irisojn, palgrizan aŭ arĝentgrizan bekon kun nigra pinto, kaj malhelgrizajn ĝis nigrajn krurojn kaj piedojn. Junuloj havas obtuze nigran kronon, flugilojn kaj voston. Ili estas alie brunnigraj kun malfortaj malklaraj nigraj strioj.[4]
Disvastiĝo kaj habitato
[redakti | redakti fonton]La purpurgorĝa kotingo havas tre ampleksan distribuon, de suda Nikaragvo, tra Kostariko, Panamo, Kolombio, Venezuelo, Gujanoj, Ekvadoro, Brazilo kaj norda Bolivio. Ĝi vivas en la meza etaĝo kaj kanopeo de humidaj ĉiamverdaj arbaroj en ebenaĵoj[3].
Referencoj
[redakti | redakti fonton]
- 1 2 Ornitologia taksonomio.
- ↑ AviList v2025, konsultita la 23-an de feb. 2026.
- 1 2 3 Birds of the World, Purple-throated Fruitcrow.
- ↑ Galindo, E. (2020). Purple-throated Fruitcrow (Querula purpurata), version 1.0. En Birds of the World (T. S. Schulenberg, Editor). Cornell Lab of Ornithology, Ithaca, NY, USA. alirita la 24an de Septembro, 2025
| ||||||||||||||||||
