Tešanovci

Tešanovci
Alministración
País	Eslovenia
Conceyu	Conceyu de Moravske Toplice
Tipu d'entidá	asentamientu humanu
Xeografía
Coordenaes	46°40′44″N 16°14′17″E / 46.679°N 16.238°E
	Tešanovci Tešanovci (Eslovenia)
Superficie	7.37 km²
Altitú	185,1 m
Demografía
Población	340 hab. (1r xineru 2020); - 179 homes (1r xineru 2020); - 161 muyeres (1r xineru 2020)
Porcentaxe	100% de Conceyu de Moravske Toplice
Densidá	46,13 hab/km²

Tešanovci (húngaru: Mezővár) ye una llocalidá del conceyu Moravske Toplice de Transmurania n'Eslovenia.

Tien una superficie de 7,37 km² na que viven un total de 340 habitantes (1 xineru 2020)^[1]^[2], alcuéntrase a unos 185 metros sobre'l nivel del mar. Llenda coles siguientes llocalidaes: Andrejci, Bogojina, Ivanci, Lukačevci, Mlajtinci, Moravske Toplice, Suhi Vrh, Vučja Gomila. Alcuéntrase al norteste a 7 km de Murska Sobota, la capital de Transmurania, na llanada de la rexón (n'eslovenu ravensko).

La llocalidá foi mentada per primer vegada en 1340 col nome de Tysinolch. Tešanovci sobrevivió a dellos ataques otomanos nos sieglos XVI y XVII. Dalgunos de los asentamientos vecinos de la dómina, como Negonci, Križanci o Obračankovci, fueron destruyíos dafechu, nunca fueron reconstruyíos y la so población asentóse en Tešanovci.

En 1860 fundóse tamién en Tešanovci una escuela, que güei cerró les sos puertes.

Tocantes a la relixón, dos tercios de la población ye católica y un terciu ye luterana. Los católicos pertenecen a la parroquia de Bogojina. Los luteranos celebren servicios relixosos en Moravske Toplice. El pueblu pertenez a Eslovenia dende 1919.

La capiya católica en Tešanovci foi construyida en 1887. La capiya luterana ye una estensión d'un campanariu construyíu en 1868.

L'asentamientu esperimentó un desenvolvimientu dinámicu nes últimes décades, yá que ta asitiáu cerca de Moravske Toplice, que se volvió casi urbanu gracies a les sos agües termales.

Personaxes pernomaos

Josip Benko (1889–1945), políticu
Geza Erniša (1952–2022), el primer obispu luteranu n'Eslovenia

Referencies

↑ «Prebivalstvo - izbrani kazalniki, naselja, Slovenija, letno». Statistical Office of the Republic of Slovenia. Consultáu'l 28 abril 2021.
↑ censu de población

Bibliografía

Kuhar, Štefan (2010). Tešanovci: kronika vasi. Moravske Toplice: Občina Moravske Toplice.
Zelko, Ivan (1982). Historična topografija Slovenije I. Prekmurje do leta 1500. Murska Sobota: Pomurska založba.

Enllaces esternos

«FOTO: Od kod izvira ime kraja Tešanovci?» (eslovenu). Pomurec (13.1.2025). Consultáu'l 20.1.2025.

[eeead7162a4b77be7fae4f4e8b0a4218caaf4a56-1] «Prebivalstvo - izbrani kazalniki, naselja, Slovenija, letno». Statistical Office of the Republic of Slovenia. Consultáu'l 28 abril 2021.

[2] su de población

[1]

[2]