18 Januarie

18 Januarie is die agtiende dag van die jaar in die Gregoriaanse kalender. Daar volg nog 347 dae in die res van die jaar (348 in skrikkeljare).

Gebeure

• 336 – Pous Markus volg Pous Silvester I op.
• 350 – Generaal Magnentius (’n Frank) verdryf keiser Konstans I uit Rome en maak hom dood.
• 1460 – Pous Pius II publiseer die wetsontwerp “Execrabilis” wat appél teen pouslike besluite na ’n konsilie verbied.
• 1562 – Pous Pius IV heropen die konsilie van Trente.
• 1848 – Die Montagupas word geopen.
• 1871 – Frans-Duitse Oorlog: Die Pruisiese koning, Wilhelm I, word in die kasteel van Versailles tot keiser van die Duitse Keiserryk verklaar.
• 1902 – Tweede Vryheidsoorlog: Kommandant Gideon Scheepers word naby Graaff-Reinet voor 'n vuurpeloton tereggestel nadat hy deur 'n Britse krygshof skuldig bevind is op aanklagte van moord, brandstigting en die vernietiging van treine.
• 1985 – Bouwerk begin aan die Hugenotetonnel.
• 1989 – Pres. P.W. Botha word in die hospitaal opgeneem ná ’n hartaanval, en een van Japan se grootste elektrisiteitsmaatskappye, Kioesjoe, vervang Suid-Afrika as voorsiener van uraan uit protes teen apartheid.
• 1991 – Uitspraak word gelewer in die saak van lt.genl. Lothar Neethling teen die Vrye Weekblad en die Weekly Mail, en daar word bevind dat polisie moordbendes bestaan en dat Neethling gif aan Dirk Nel verskaf en die hof en die Harms kommissie mislei het.

Geboortes

• 1689 – Charles Montesquieu, Franse skrywer en filosoof († 1755).
• 1838 – Daantjie van den Heever, Hollandse taalstryder en lid van die Kaapse Parlement († 1903).
• 1868 – Kantarō Suzuki, Japannese politikus en eerste minister ten tyde van Japan se oorgawe († 1948).
• 1904 – Cary Grant, Britse akteur († 1986).
• 1922 – Dr. F.I.J. van Rensburg, Afrikaanse akademikus en literêre kritikus († 2015).
• 1925 – Gilles Deleuze, Franse filosoof († 1995).
• 1937 – John Hume, Noord-Ierse politikus en ontvanger van die Nobelprys vir Vrede (1998).
• 1944 – Paul Keating, Australiese staatsman, Eerste Minister van Australië.
• 1944 – Graham McIntosh, Suid-Afrikaanse politikus.
• 1946 – Jakes Gerwel, Suid-Afrikaanse akademikus, politikus en sakeman († 2012).
• 1950 – Gilles Villeneuve, Kanadese Formule-1 renjaer († 1982).
• 1955 – Kevin Costner, Amerikaanse akteur.
• 1970 – Rocco de Villiers, Suid-Afrikaanse pianis.
• 1973 – Peter Zeihan, Amerikaanse skrywer oor geopolitiek.
• 1983 – Caroline Wöstmann, Suid-Afrikaanse ultra-atleet.

Sterftes

• 474 – Leo I, keiser van Bisantium (* 401).
• 1677 – Jan van Riebeeck, Nederlandse seevaarder (* 1619).
• 1799 – Abraham Josias Sluysken, waarnemende kommissaris aan die Kaap voor die eerste Britse besetting (* 1736).
• 1862 – John Tyler, Amerikaanse staatsman, tiende President van die Verenigde State (* 1790).
• 1873 – Edward Bulwer-Lytton, Britse politikus en skrywer (* 1803).
• 1902 – Gideon Scheepers, Boerekommandant en heliografis tydens die Tweede Vryheidsoorlog (* 1878).
• 1906 – William Forbes Gatacre, Britse generaal tydens die Tweede Vryheidsoorlog (* 1843).
• 1917 – Andrew Murray, Suid-Afrikaanse predikant en skrywer (* 1828).
• 1936 – Rudyard Kipling, Britse skrywer (* 1865).
• 1943 – Johannes Egbertus Vixseboxse, Nederlands-gebore Suid-Afrikaanse argitek en bouaannemer (* 1863).
• 1945 – Violette Szabo, Britse geheime agent in Frankryk tydens die Tweede Wêreldoorlog (* 1921).
• 1954 – Sydney Greenstreet, Britse akteur (* 1879).
• 1958 – Ernest Frederick Watermeyer, Hoofregter van die Unie van Suid-Afrika (* 1880).
• 2003 – Richard Crenna, Amerikaanse akteur (* 1927).
• 2006 – Anton Rupert, Afrikaanse entrepreneur, sakeleier en omgewingsbewaarder (* 1916).
• 2017 – Peter Henry Abrahams, Suid-Afrikaanse romanskrywer, digter, joernalis en politieke kommentator (* 1919).
• 2018 – Lucas Mangope, Suid-Afrikaanse politikus en president van Bophuthatswana (1977–1994) (* 1923).
• 2020 – Peter Mathebula, Suid-Afrika se eerste swart wêreldbokskampioen (* 1952).
• 2022 – Peter Robbins, Amerikaanse kinderakteur en stemakteur (* 1956).
• 2026 – Patsy King, Australiese aktrise (* 1930).