Ellen Johnson Sirleaf

Ellen Johnson Sirleaf
Gebuer	29. Oktober 1938 Monrovia
Alter	87 Joer
Nationalitéit	Liberia
Educatioun	University of Colorado Boulder, Harvard Universitéit, John F. Kennedy School of Government, Universitéit vu Wisconsin-Madison, University of Colorado
Aktivitéit	Politikerin, Ekonomistin, Entreprenesch, Schrëftstellerin
Fonctioun	Presidentin vu Liberia
Member vun	Alpha Kappa Alpha, The Elders
Auszeechnungen	Friddensnobelpräis, Presidential Medal of Freedom, Freedom Award, 100 Women, Malteeseruerden, Grand-croix de la Légion d'honneur, Éierendokter, Éierendokter, Éierendokter

D'Ellen Johnson Sirleaf, gebuer den 29. Oktober 1938 zu Monrovia, ass eng liberianesch Ekonomistin a Politikerin. Si war vum 16. Januar 2006 bis de 22. Januar 2018 déi 24. Presidentin vum Liberia an déi éischt Fra, déi duerch Wale Staatscheffin vun engem afrikanesche Land gouf. 2011 krut si de Friddensnobelpräis fir hire gewaltfräie Kampf fir d'Sécherheet vu Fraen a Fraerechter (zesumme mat der Leymah Gbowee an der Tawakkul Karman).

Si huet an den USA op der University of Wisconsin–Madison, der University of Colorado at Boulder an der Harvard University Ekonomie an Ëffentlech Verwaltung studéiert.

Vun 1972 bis 1973 war si Finanzministesch an an den 1980er an uganks 1990er Joren am Exil Bankmanagerin. Vun 1992 bis 1997 war si Direktesch vum Entwécklungsprogramm vun de Vereenten Natioune fir Afrika, huet fir d'Weltbank an aner Institutioune geschafft an eng Rëtsch Bicher iwwer afrikanesch Wirtschaftspolitik geschriwwen.

Am Oktober 2003 ass si an de Liberia hannescht gaangen. Bei der Presidentschaftswal 2005 war si d'Kandidatin vun der Unity Party, där hir Presidentin si och war, an se huet dës am Zweeten Tour mat 57,9 % vun de Stëmme gewonnen. Am November 2011 gouf si mat 90,2 % vun de Stëmmen erëmgewielt.

Publikatiounen (Auswiel)

• The Outlook for Commercial Bank Lending to Sub-Saharan Africa (1992)
• From Disaster to Development (1991)
• This Child Will Be Great. Memoir of a Remarkable Life by Africa's First Woman President (2009)

Literatur

• Helene Cooper: Madame President: The Extraordinary Journey of Ellen Johnson Sirleaf. New York: Simon and Schuster, 2017. ISBN 978-1-4516-9735-3

Kuckt och

• Lëscht vun de Laureate vum Nobelpräis fir de Fridden

Um Spaweck

Commons: Ellen Johnson-Sirleaf – Biller, Videoen oder Audiodateien