Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 214.376 məqalə mövcuddur.

Həftənin seçilmiş məqaləsi

"Con Hokvudun qəbirüstü abidəsi" — İtaliya rəssamı Paolo Uççello tərəfindən çəkilmiş freska. Əsər ingilis kondotyeri Con Hokvudun xatirəsinə həsr olunmuş və 1436-cı ildə Florensiya kafedralı üçün sifariş edilmişdir. Freska, İtaliya yarımadasında döyüşmüş muzdlu hərbçinin xatirəsini anan nadir sənət nümunələrindən biri olmaqla yanaşı, perspektiv anlayışının inkişafında mühüm mərhələ hesab olunur. Freskanın sifarişi və sonradan yenidən sifariş edilməsi ilə bağlı siyasi kontekst tarixçilər tərəfindən geniş şəkildə araşdırılmış və müzakirə edilmişdir. Əsər tez-tez Florensiyanın xarici mənşəli bir muzdlu döyüşçünü şəhər qəhrəmanı kimi təqdim etməsi səbəbilə "Florensiya təbliğatı" nümunəsi kimi qiymətləndirilir. Bu yanaşma eyni zamanda digər kondotyerlərə Florensiyaya xidmət etməyin mümkün mükafatlarını vəd edən simvolik bir mesaj kimi də şərh olunur.

(Davamı...)

Həftənin yaxşı məqaləsi

Kəmaləddin Behzad — Teymuri və Səfəvi dövrlərində yaşamış rəssam. O, Heratdan (indiki Əfqanıstan) çıxmış və İran miniatür sənətinin inkişafında mühüm rol oynamışdır. Behzad həmçinin, Herat miniatür məktəbinin və bütün Şərqin ən böyük ustadlarından biri kimi tanınmışdır. O, Teymuri dövlətinin son onilliklərində, xüsusilə də Teymuri intibahı dövründə Hüseyn Bayqaranın (hakimiyyəti: 1470–1506-cı illər) sarayında fəaliyyət göstərmişdir. Behzad daha sonralar Səfəvilərin xidmətinə keçmiş və Təbrizdə padşaha məxsus atelyelərdə çalışmışdır. Mənbələrə görə, Behzad Herat Akademiyasında kitabdar vəzifəsini icra etmiş və Herat şəhərindəki Kral Kitabxanasında mühüm mövqedə olmuşdur.

(Davamı...)

Həftənin seçilmiş siyahısı

"O" filminin qazandığı mükafatların siyahısı — rejissor və ssenarist Spayk Consun romantik dram və elmi fantastika janrında 2013-cü ildə çəkdiyi ABŞ filmidir. Filmin musiqisi Arcade Fire qrupunun üzvləri Uill Batler və Ouen Pallett tərəfindən yazılıb. Filmin operatoru Hoyte van Hoytemadır. Film Spayk Consun ssenari müəllifi kimi debüt işidir. Baş rollarında Xoakin Feniks, Skarlet Yohansson, Emi Adams, Runi Mara və Oliviya Vayldın çəkildiyi film — Feniksin canlandırdığı Teodor Tuomblinin, Yohanssonun səsləndirdiyi Samanta adlı süni zəkaya malik əməliyyat sisteminə aşiq olmasından və cütlük arasında yaşanan münasibətdən bəhs edir.

(Davamı...)

Günün seçilmiş şəkli

Xəbərlər

Rusiya Ukraynanın mümkün dron hücumu ehtimalı fonunda Qələbə Günü münasibətilə hərbi parad keçirib.
Azərbaycanın paytaxtı Bakıda növbəti 13-cü Ümumdünya Şəhərsalma Forumu (şəkildə) keçiriləcək.
Birləşmiş Ərəb Əmirlikləri OPEC üzvlüyündən çıxıb.

Aktual hadisələr: İran müharibəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Elman Allahverdiyev, Musa Alməmmədov, Kazuo İmanişi, Mixael Rabin, Maqsud Məmmədov, Aşa Bhosle

Bilirsinizmi?

Osmanlı sədrəzəmi Parqalı İbrahim Paşa Xürrəm Sultanın yerinə keçirmək və Sultan Süleyman Qanuniyə hədiyyə etmək məqsədilə İtaliya qrafinyası Culiya Qonzaqanın (şəkildə) ələ keçirilməsi əmrini vermişdir.
İlk antisemitlərdən biri olan Mnasey yəhudilərin eşşəkləri ilahiləşdirdiyini və qızıl eşşək başına sitayiş etdiklərini iddia etmişdir.
Azərbaycanlılar, ermənilər və udinlər birləşərək 1625-ci ildə Qarabağ və Gəncədə Səfəvi hakimiyyətinə qarşı Mıxlı baba hərəkatını başlatmışdırlar.
1951-ci ildə Misirdə "Coca-Cola" və "Pepsi"nin islam qanunlarına görə icazəli olması ilə əlaqədar fətva verilmişdir.
Filippində karaokedə iştirak etmək bəzən həyat üçün təhlükə yarada bilir.