மேலும் 2 நாள்களுக்கு மழை நீடிக்கும் என்று வானிலை ஆய்வு மையம் தெரிவித்துள்ளது. ஏற்கெனவே நேற்று இரவு மற்றும் இன்று பகல் பெய்த பலத்த மழையில் சாலைகளில் வெள்ளம் பெருக்கெடுத்து ஓடின. வெள்ள நீர் வடியாமல் போக்குவரத்து பெரிதும் பாதிக்கப்பட்டது.
இந்நிலையில் மேலும் 2 நாடகளுக்கு மழை நீடிக்கும் என வானிலை ஆய்வு மையம் தெரிவித்துள்ளது.
வங்கக் கடலில் தெற்கு மத்திய பகுதியில் மையம் கொண்டிருந்த குறைந்த காற்றழுத்த தாழ்வு பகுதி, தற்போது வலு இழந்து, தமிழகம் மற்றும் தெற்கு ஆந்திரக் கடலோரம் வரை பரவி உள்ளது.
இதனால், புதுச்சேரி, தமிழகத்தின் பல மாவட்டங்களில் மழை பெய்தது. பலமான கடற் காற்று வடகிழக்கு மற்றும் கிழக்கு திசையில் இருந்து மணிக்கு, 45 முதல் 55 கி.மீ., வேகத்தில் தமிழகம் மற்றும் புதுச்சேரி கடலோர மாவட்டங்களில் வீசும் என, மீனவர்களுக்கு அறிவிக்கப்பட்டுள்ளது.
கருத்தை பதிவு செய்க