7. Juni

De 7. Juni ass den 158. Dag vum Joer (159. am Schaltjoer) am Gregorianesche Kalenner.

Evenementer

• 1494: Traité vun Tordesillas tëscht Spuenien a Portugal, an deem d'Intressegebidder an den nei entdeckte Kontinenter opgedeelt ginn.
• 1654: De Louis XIV. gëtt zum Kinnek vu Frankräich gekréint.
• 1929: Vatikanstad gëtt e souveräne Staat.
• 1999: Éischt fräi Walen an Indonesien.
• 2001: Den Tony Blair gëtt als brittesche Premierminister erëmgewielt.

Lëtzebuerg

• 1964: Bei de Chamberwale kritt d'CSV 22 Sëtz, d'LSAP der 21, d'DP der 6, d'KPL der 5 an de Mouvement Indépendant Populaire der 2.
• 2009: Bei de Chamberwale kritt d'CSV 26 Sëtz (+2), d'LSAP der 13 (-1), d'DP 9 (-1), déi Gréng 7 (+/-0), d'ADR 4 (-1), déi Lénk 1 (+1) an d'KPL (0) an d'Biergerlëscht (/) kee Sëtz. Bei den Europawale ginn 3 Sëtz un d'CSV a jee 1 un d'LSAP, d'DP an déi Gréng.
• 2015: Beim Referendum iwwer de Walalter, d'Auslännerwalrecht an d'Limitatioun vu Regierungsmandater sinn eng grouss Majoritéit vun de Wieler (respektiv 80,87 %, 78,02 % an 69,93 %) dergéint, déi aktuell gëlteg Bestëmmungen z'änneren.

Sport

• 1979: Déi lëtzebuergesch Foussballnationalekipp verléiert zu Malmö, am Kader vun der Qualifikatioun fir d'Foussball-Europameeschterschaft 1980, 0:3 géint Schweden.
• 1995: Déi lëtzebuergesch Foussballnationalekipp gewënnt an der Stad Lëtzebuerg, am Kader vun der Qualifikatioun fir d'Foussball-Europameeschterschaft 1996, 1:0 géint déi Tschech Republik. De Gol fir d'Lëtzebuerger huet de Guy Hellers geschoss.
• 2000: Déi lëtzebuergesch Foussballnationalekipp verléiert an der Stad Lëtzebuerg 0:1 géint Spuenien.
• 2011: Déi lëtzebuergesch Foussballnationalekipp verléiert zu Minsk, am Kader vun der Qualifikatioun fir d'Foussball-Europameeschterschaft 2012, 0:2 géint Wäissrussland.
• 2013: Déi lëtzebuergesch Foussballnationalekipp spillt zu Baku, am Kader vun der Qualifikatioun fir d'Foussball-Weltmeeschterschaft 2014, 1:1 géint den Aserbaidjan. De Gol fir d'Lëtzebuerger huet de Stefano Bensi geschoss.

Gebuer

• 
  Paul Gauguin
• 
  Tom Jones
• 
  Liam Neeson
• 
  Orhan Pamuk
• 
  Prince
• 
  Damien Hirst

• 1787: Philippe-Christophe Wurth, lëtzebuergeschen Händler a Politiker.
• 1848: Paul Gauguin, franséische Moler.
• 1876: Adolf Hnatek, éisträicheschen Astronom.
• 1896: Imre Nagy, ungaresche Politiker an Agrarökonom.
• 1901: Andrée Viénot, franséisch Politikerin.
• 1902: Jules Steichen, lëtzebuergesche Boxer an Olympionik.
• 1902: Émile Lux, lëtzebuergesche Lokalpolitiker a Gewerkschaftler.
• 1903: Jean-Pierre Moris, lëtzebuergesche Schwëmmer an Olympionik.
• 1906: Fritz Hartmann, däitsche Krichsverbiecher, Chef vun der Gestapo zu Lëtzebuerg.
• 1909: Jessica Tandy, englesch Schauspillerin.
• 1915: Camille Lamboray, lëtzebuergesche Jurist an Auteur.
• 1917: Dean Martin, US-amerikanesche Sänger a Schauspiller.
• 1923: Silvia Monfort, franséisch Schauspillerin, Theaterregisseurin an Autorin.
• 1923: Carlos Thompson, argentinesche Schauspiller.
• 1927: Charles de Tornaco, belschen Autospilot.
• 1928: Reg Park, englesche Bodybuilder a Schauspiller.
• 1928: François Magnani, lëtzebuergesche Foussballspiller.
• 1933: Émile van der Vekene, lëtzebuergeschen Auteur a Bibliothecaire.
• 1939: Roger Michel Erasmy, lëtzebuergeschen Auteur.
• 1940: Tom Jones, walisesche Pop-Sänger.
• 1942: Gérard Zingg, franséischen Dréibuchauteur, Filmregisseur, Schauspiller a Moler.
• 1945: Enrico Montesano, italieenesche Schauspiller.
• 1945: Wolfgang Schüssel, éisträichesche Politiker a Bundeskanzler.
• 1952: Orhan Pamuk, tierkesche Schrëftsteller, Nobelpräisdréier.
• 1952: Liam Neeson, brittesche Schauspiller.
• 1953: Johnny Clegg südafrikanesche Museker an Anthropolog.
• 1953: Libuše Šafránková, tschechesch Schauspillerin.
• 1955: Sylvie Karier, lëtzebuergesch Molerin.
• 1958: Prince, US-amerikanesche Komponist, Museker a Sänger.
• 1959: Mike Pence, US-amerikanesche Politiker.
• 1964: Sophie Carle, lëtzebuergesch Schauspillerin a Sängerin.
• 1965: Damien Hirst, brittesche Kënschtler.
• 1966: Paul Koch, lëtzebuergesche Foussballspiller.
• 1980: Laura Schroeder, lëtzebuergesch Regisseurin.

Gestuerwen

• 1394: Anne vu Béimen, Fra vum Richard II. vun England.
• 1826: Joseph von Fraunhofer, däitschen Optiker, Physiker an Astronom.
• 1843: Alexis Bouvard, franséischen Astronom.
• 1843: Friedrich Hölderlin, däitsche Lyriker.
• 1876: Joséphine de Beauharnais, Kinnigin vu Schweden.
• 1920: Nicolas-Édouard Becker, lëtzebuergeschen Auteur.
• 1927: Jean Berchem, lëtzebuergesche Lokalpolitiker.
• 1937: Jean Harlow, US-amerikanesch Schauspillerin.
• 1944: Armand Collard, belsche Resistenzler.
• 1945: Camille Dennemeyer, lëtzebuergesche Journalist, Schrëftsteller a politeschen Aktivist.
• 1954: Alan Turing, brittesche Mathemeatiker a Kryptoanalytiker.
• 1959: Victor Prost, lëtzebuergesche Politiker.
• 1966: Hans Arp, dïtsch-franséische Sculpteur, Moler a Lyriker (Dadaismus).
• 1968: Dan Duryea, US-amerikanesche Schauspiller.
• 1971: Pierre Gansen, lëtzebuergesche Politiker.
• 1971: Emile Kohn, lëtzebuergesche Komponist a Museksprofesser.
• 1976: Henri Diederich, lëtzebuergesche Politiker.
• 1980: Henry Miller, US-amerikanesche Schrëftsteller.
• 1982: Raymond Lamy, franséische Filmediteur a -regisseur.
• 1987: Aurelio Sabbatini, lëtzebuergesche Sculpteur.
• 1990: Gaston Glaesener, lëtzebuergesche Pedagog a Politiker.
• 1997: André Dalibert, franséische Schauspiller a Sänger.
• 2004: Roger Matton, kanadesche Komponist.
• 2008: Dino Risi, italieenesche Filmregisseur.
• 2011: Jorge Semprún, spuenesche Schrëftsteller a Politiker.
• 2013: Pierre Mauroy, franséische Politiker.
• 2015: Christopher Lee, brittesche Schauspiller.

Um Spaweck

Commons: 7. Juni – Biller, Videoen oder Audiodateien