Fionia (en danés Fyn) é unha illa de Dinamarca. É a segunda illa máis grande de Dinamarca e ten unha poboación de 445.000 habitantes. Pertence actualmente á rexión de Syddanmark. Ata 2006, Fionia formou un distrito particular.
Fionia é coñecida como o "xardín de Dinamarca" pola súa natureza ben coidada. A cidade máis grande é Odense co recordo imperecedoiro de Hans Christian Andersen, cuxa casa alzase nesta cidade. Tamén en Fionia atópase Ærø, coa preciosa cidade mariñeira de Ærøkøbing e os seus barquiños embotellados e o seu museo marítimo, a tumba do xefe viquingo enterrado no seu drakkar en Ladbyskibet ou Nyborg Slot, o castelo real máis antigo de Dinamarca. Á parte de Odense, outras cidades de importancia son Kerteminde, Nyborg, Svendborg, Fåborg, Assens, Middelfart e Bogense, todas situadas na costa.
