Roses

Biztanleria-piramidea 2025; Guztira: 10.111 gizon, 10.064 emakume
	Iturria: Instituto Nacional de Estadística

Roses; Roses
	Kataluniako udalerria
	Irudi gehiago
Administrazioa
Estatu burujabe	Espainia
Autonomia	Katalunia
Eremu funtzionala	Comarques Gironines
Eskualdea	Alt Empordà
Alkatea	Josep Maria Martínez Chinchilla
Izen ofiziala	Roses
Jatorrizko izena	Roses
Posta kodea	17480
INEk ezarritako kodea	17152
Herriburua	Roses
Geografia
Koordenatuak	42°15′48″N 3°10′30″E / 42.26333°N 3.175°E
Azalera	45,9 km²
Altitudea	5 m
Mugakideak	Palau-saverdera, La Selva de Mar, El Port de la Selva, Cadaqués eta Castelló d'Empúries
Demografia
Biztanleria	20.365 (2025)
Dentsitatea	444 bizt/km²
Etxebizitzak	184
Informazio gehigarria
Hiri senidetuak	Rodas
Matrikula	GI
Hizkuntza ofiziala	katalan
	roses.cat

Roses Kataluniako kostaldeko udalerria da, Alt Empordà eskualdean eta Gironako probintzian dagoena. Azken erroldaren arabera 20.365 biztanle zituen 45,9 km²-ko azaleran.

Demografia

Oharra: grafiko hau Wikidatan jasotako datuetatik egin da, automatikoki. Daturen bat aldatu edo eguneratu behar izanez gero, egizu Wikidatan bertan.

45,91 km²-ko azalera du. 2017an, bestela, 19.216 pertsona erroldatuta zituen. Izan ere, eskualdeko bigarren udalerririk populatuena da Figueres eta gero.

Historia garaikidean, nabarmentzekoa da 2001eko martxoaren 17an ETAk egindako atentatua, eurek eraildako lehenengo mosso d'esquadra, Santos Santamaria, eragin zuena.^[2]

Geografia

Costa Bravako iparraldeko leku bisitatuenen artean dago, eta bere hondartzen artean Canyelles Petites, l'Almadrava (Canyelles Grosses), Murtra, Rustella, Montjoi, Pelosa eta Jóncols ditugu. Forma geografikoen artean, punta Falconera eta cap Norfeu lurmutur ikusgarria daude, azken hau Cap de Creuseko natura parkearen barruan dagoena.

Udalerri mugakideei dagokienez, iparraldean La Selva de Mar eta El Port de la Selva, hegoaldean Mediterraneoa, ekialdean Cadaqués, ipar-mendebaldean Palau-saverdera eta hego-mendebaldean Castelló d'Empúries ditu.

Udalerri mugakideak

Honako udalerri hauek ditu mugakide: Palau-saverdera, La Selva de Mar, El Port de la Selva, Cadaqués eta Castelló d'Empúries.

Mapa — Roses eta ondoko udalerrien arteko muga administratiboak.

Historia

Rhode greziar kolonia bat izan zen, Roses badiaren iparraldeko muturrean sortua, muino txiki batean (Santa Maria). Ondo babestutako portu naturala zuen. Fundatzaileen nortasuna ez dago argi, baina Massaliako kolonizatzaileak ziren fozeatarren eragina nabarmentzen da. Lekukotasun arkeologikoek iradokitzen dutenez, K.a 375 inguruan sortu zuten, eta agian, Massalia Iberiarantz hedatu nahi izatearen ondorio izan zen.^[3]

Kultura

Festa Nagusia abuztuaren 15a, eta bertan musika klasikoa, habanerak, sardanak eta erraldoiak presente daude. Halaber, aipatzekoa da ospatzen duten Oikoumene meza ekumenikoa. XVII. mendetik bestela, Rosesek aratusteak antolatzen ditu.

Gastronomiari dagokionez, Udalerri honetan Ferran Adrià sukaldari ospetsuaren El Bulli jatetxe ospetsua kokatuta egon da 1961etik 2011 arte. Mundu mailan ezaguna izan zen, hain zuzen ere 1997tik Michelin Gidan 3 izar eduki zituen.