Lux (unitatea)

Lux (unitatea)
Neurtzen du	iluminantzia
SI sistemarako konbertsioa	1 lx
Unitate estandarretan	0,0001 ph
Ikurra	lx, лк, lx eta lx

Lux izenekoa SI sistemako iluminantzia-unitatea da, gainazal batean azalera-unitateko jasotzen den argi-intentsitatea neurtzen duena. Beraren sinboloa ${\text{lx}}$ da.

Luxa unitate eratorria da, lumen unitatearekin zuzenki erlazionaturik dagoena. Hain zuzen, lux bat da gainazal bateko metro karratu bakoitzeko lumen bateko argi-intentsitatea jasotzen duen gainazalaren iluminantzia (argiztapena, alegia).

Fotometrian erabiltzen da, iluminantzia neurtzeko, argiaren eraginpean giza begiak duen sentikortasunaren eredu estandar baten arabera, kontuan izanik argiaren uhin-luzerei dagokien sentikortasun-funtzioa.

Formulak

${\text{1 lx}}={\text{1 }}{\frac {\text{lm}}{{\text{m}}^{2}}}={\text{1 }}{\frac {{\text{cd}}\cdot {\text{sr}}}{{\text{m}}^{2}}}.$

non

• ${\text{lm}}$: lumen (argi-fluxuaren unitatea);
• ${\text{sr}}$ : stereoradian (angelu solidoaren unitatea) ;
• ${\text{cd}}$: kandela (argi-intentsitatearen unitatea).

Fotometriako unitateak SI Nazioarteko Sisteman

Nazioarteko Sistemaren fotometria unitateak

Magnitudea	Sinboloa	Unitatea:	Sinboloa	Dimentsioa	Oharrak
Argi-energia	Qv	lumen (bider) segundo	lm·s	${\text{T·J}}$	Batzuetan talbot izendapena erabiltzen da, Nazioarteko Sistematik kanpo dagoena.
Argi-fluxua	Φv, F	lumen (= cd·sr)	lm	${\text{J}}$	Argi-potentziaren neurria.
Argi-intentsitatea	Iv	kandela (= lm/sr)	cd	${\text{J}}$	Argi-intentsitatearen neurri bat da.Angelu solidoaren unitate bakoitzeko argi-fluxuaren baliokidea da.
Luminantzia	Lv	kandela metro karratuko	cd/m2	${\text{L}}^{-2}{\text{·J}}$	Batzuetan nit izena erabiltzen da, Nazioarteko Sistematik kanpo dagoena.
Argiztapena	Ev	lux (= lm/m2)	lx	${\text{L}}^{-2}{\text{·J}}$	Argiak gainazal batean duen eragina neurtzeko erabiltzen da.
Argi-igorpena, Argi-emitantzia. Argi-exitantzia	Mv	lux (= lm/m2)	lx	${\text{L}}^{-2}{\text{·J}}$	Gainazal batek igortzen duen argia neurtzeko erabiltzen da.
Argi-espozizioa	Hv	lux (bider) segundo	lx·s	${\text{L}}^{-2}{\text{·T·J}}$	Iluminantzia denboran integratua.
Erradiazioaren argi-eraginkortasuna	K	lumen watteko	lm/W	${\text{M}}^{-1}{\text{·L}}^{-2}{\text{·T}}^{3}{\text{·J}}$	Argi-fluxuaren eta erradiazio-fluxuaren arteko arrazoia.
Iturri baten argi-eraginkortasuna	η	lumen watteko	lm/W	${\text{M}}^{-1}{\text{·L}}^{-2}{\text{·T}}^{3}{\text{·J}}$	Argi-fluxuaren eta kontsumitutako potentzia elektrikoaren arteko arrazoia.

Ikus, gainera

• Kandela (unitatea)

Kanpo estekak

• Datuak: Q179836