DP-27/DP-28
| Fuzuilh-vindrailher DP | |
|---|---|
 Ur fuzuilh-vindrailher DP-28 | |
| Kinnig | |
| Bro |  URSS |
| Mont en-dro | Fuzuilh-vindrailher |
| Mont en-dro | Tennata dre amprest gazoù, piston hir e red |
| Munision | 7,62 × 54 mm R |
| Mare implij | Adalek 1927 |
| Perzhioù teknikel | |
| Mas (hep kartouchenn) | 9,12 kg |
| Hirder | 1 290 mm |
| Hirder ar c'hanol | 605 mm |
| Lusk-tennañ | 600 tenn/mn |
| Tizh ar boledoù V0 | 840 m/s |
| Endalc'h | Karger ront 47 kartouchenn |
| Adstummoù | DP-27, DP-28, DA, DT, DPM, DTM, RP-46 |
| Lezenn | |
| Rummad e Bro-C'hall | A |
An DP-27 pe DP-28 hervez hec'h adstumm (rusianeg : Пулемёт Дегтярёвa Пехотный, romanekadur : Pulemyot Degtyaryova Pekhotny, brezhoneg : mindrailherez troadegiezh Degtyaryov) pe Degtyaryov a reer eus ur fuzuilh-vindrailher[1] kambret evit kartouchennoù 7,62 × 54 mm R hag a oa bet implijet da gentañ gant Unaniezh ar Republikoù Sokialour Soviedel.
Istor ha mont en-dro
[kemmañ | kemmañ ar vammenn]E dibenn brezel diabarzh Rusia e chome gant an Arme Ruz kozh mindrailherezioù PM M1910 nemetken. Goulennet e voe gant an ijinour Vasiliy Degtyaryov sevel ur vindrailherez skañv pe ur fuzuilh-vindrailher aes da zougen war an dachenn-emgann.
Arnodet e voe an DP-27 a ginnigas e 1927 ha degemeret e voe er servij da vat e 1928. Ur fuzuilh-vindrailher yenaet dre aer eo. Brudet e oa evit bezañ fiziapl ha solut. Div vindrailherez a voe deveret anezhi : an DA (Degtiaryova Aviatsionniy, Дегтярёва авиационный), evit bezañ savet war nijerezed, hag an DT (Degtiareva Tankoviy, Дегтярёва танковый)[2], a voe lakaet war an tankoù T-28, BT-7, KV-1, T-60, T-34, T-70 hag IS-2[3]. Stummoù modernizaet (DPM, DTM) a voe gwellaet e dibenn ar brezel a-drugarez da skiant-prenet an arme ruz war an dachenn. Ur stumm diwezhañ, an RP-46, a voe produet goude ar brezel[2].
Kemeret e voe he flas e fin ar bloavezhioù 1950[1] gant an RPD e arme URSS, met implijet e vez c'hoazh e armeoù 'zo eus broadoù bet soviedel.
Soudard ukrainat eus an Nerzhioù Difenn Tiriadel o pleustriñ gant ur vindrailherez DPM e-kerzh Aloubadeg Ukraina gant Rusia
Daveennoù
[kemmañ | kemmañ ar vammenn]- 1 2 (fr) McNAB Chris, Armes à feu Encyclopédie visuelle, L'Imprévu, 2022, p. 250
- 1 2 (en) POPENKER Maxim, Degtyarov DP DPM RP-46, Modern Firearms (lennet d'ar 16/03/2026)
- ↑ (fr) FOSS Christopher F., Chars de la 2e Guerre mondiale, PML Éditions, 1994, ISBN 2-87628-896-6, p. 96-119
| ||||||||||||||||||||||||||
