Bahrein

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Reino de Bahrein مملكة البحرين Mamlakat al Bahrayn
(En detalle) (En detalle)
Lema nacional:
Himno nacional: Aash Al Maleek
Situación de Bahrein
Capital	Manama
Mayor ciudat	Al Muharraq
Idiomas oficials	Arabe
Forma de gubierno Rei	Monarquía constitucional Hamad bin Isa Al Khalifa
Independencia - de Persia - d'o Reino Uniu	1783 1971
Superficie  • Total	Posición 175ena 678 km²
Población  • Total (2016)  • Densidat	Posición 155ena 1.378.000 1.626 hab/km²
PIB (PPA)  • Total (2007)  • PIB per capita	Posición 106ena US$ 24.499 millons US$ 32.063
Moneda	Dinar (BHD)
Chentilicio
Zona horaria	UTC+3
Dominio d'Internet	.bh
Codigo telefonico	+973
Prefixo radiofonico	A9A-A9Z
Codigo ISO	048 / BHR / BH
Miembro de: ONU, CCEAGP, Liga Arabe

Bahrein (en arabe مملكة البحرين‎, Mamlakat al-Baḥrayn) ye un país y estato d'Asia, en Orient Meyo, a o canto d'o Golfo Persico, estando formato por arredol de 20 islas d'un archipelago amanato a la costa d'Arabia Saudita, país con o cual ye unito por un dique artificial.

A suya población ye de 1.378.000 habitants (2016) en una superficie de 678 km², con una densidat de población de 1.626 hab/km².

O país ye politicament una monarquía constitucional, estando l'actual monarca Hamad bin Isa Al Khalifa, con o títol d'emir. A capital de Bahrein ye a ciudat de Manama. Fa parte d'as Nacions Unidas, d'a CCEAGP y d'a Liga Arabe.

Bahrein ye gubernada por a dinastía “al Khalif” dende 1783, “xaicato” independient separau de Persia (Irán). As enrestidas d'iste zaguero, podríanos dicir que subchectivament contina dica agora. O protectorau britanico les esfendió dende 1861. Dimpués, y a causa d'a trobada de petrolio en as suyas tierras en 1932, prencipiarían as reivindicacions nacionalistas en posteriors decadas, y encara que en 1968 Bahrein s'embrecó en a Federación d’Emiratos Arabes, iste talló ista integración cuan tres anyadas dimpués proclamó a suya independencia y a dinastía “al Khalifa” como emir. Actualment ye una monarquía hereditaria a on o rei ye o chefe d'Estau y o Primer Ministro ye o chefe d'o Gubierno, en realidat todos dos puestos son ocupaus por a mesma familia que gubiernan baixo a consulta d'o suyos ministros.

A revolución iraní prencipiada en 1979 se fació veyer en o país en a decada d'os uitanta, con una población mayoritariament chiita. En 1981 se creyó o clandestino “Frent ta la Liberación Nacional” y Irán demandó belunas d'as de l'emirato. Alavez, Bahrein sinyó un alcuerdo d'esfensa con Arabia Saudita, y fació parti d’o Consello de Cooperación d'o Golfo. En 1983 creyó a organización parasindical d’os “treballadors d'o petrolio”, que en parti ye reflectau en iste mural. Y que encara que as revueltas continarían dica hue, en 1999 o fillo “Hamad ibn Isa Al Khalifah” herada de nuevas o trono d'o reino dimpués d'a muerte de su pai.

Esporte

• Categoría principal: Esporte en Bahrein.

En Bahrein, l'implementar la practica d'o esporte, estar escenario y organizador d'as mas importants competicions esportivas internacionals, responde a una estratechia d'imachen, de relacions diplomaticas y de creiximiento economico.

Bahrein en os Chuegos Olimpicos

• Bahrein en os Chuegos Olimpicos.
• Categoría principal: Bahrein en os Chuegos Olimpicos.

En os Chuegos Olimpicos ye representada per lo Comité Olimpico de Bahrein, creau en 1978 y miembro d'o Comité Olimpico Internacional dende l'anyo 1979. Participó por primera vegada en Los Angeles 1984 y dende alavez ha teniu representación ininterrompidament. Lo país ha obteniu un total de ueito medallas en as edicions de verano: cuatro d'oro, tres d'archent y una de bronce.

En los Chuegos Olimpicos d'Hibierno Bangladesh no ha participau en garra edición.

Vinclos externos

• Se veigan as imáchens de Commons sobre Bahrein.
• Pachina web d'o reino de Bahrein.

• Datos: Q398
• Multimedia: Bahrain / Q398