Siemens Gamesa Renewable Energy é unha multinacional hispano-alemá de novas tecnoloxías adicada á enerxía eólica, propiedade de Siemens Energy. A compañía cotizou en bolsa dende o 31 de outubro de 2000, integrouse no selectivo español Ibex 35 o 24 de abril de 2001, deixando finalmente de cotizar o 7 de febreiro de 2023 logo da integración con Siemens Energy. Ten a súa sede central no Parque Científico e Tecnolóxico de Biscaia, en Zamudio. En España, a compañía ten instalacións en Madrid e Sarriguren (Navarra). Na Cidade da Innovación de Sarriguren en Navarra está a Oficina Comercial de Servizos.
Conta con tres unidades de negocio: Onshore, Offshore e Servizos. A empresa realiza produtos innovadores e recoñecidos e ten máis de 90 GW instalados en todo o mundo. En 2012 contaba con 27000 empregados en todo o mundo.
