Colacheno

O colacheno^[1] ye una familia de proteínas fibrosas que se troban en a matriz d'os teixitos conchuntivos d'os animals. Estas proteínas tienen como función conferir a los teixitos una resistencia mecanica a la tibata.

Ye una d'as proteínas mes abundants en l'organismo humán y ye secretata por as celulas d'os teixitos conchuntivos. Poseye un peso molecular de 300 kDa. Contrariament a la elastina present tamién en os teixitos conchuntivos, o colacheno ye inextensible cuan en tiban y resiste bien a tracción. Bi n'ha de diferents clases seguntes l'organo. Ye especialment indispensable en os procesos de cicatrización.

Dende un punto de vista industrial y economico, s'ha de dicir que o colacheno ye a materia prima pa fabricar chelatina.

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

Datos: Q26868
Multimedia: Collagen / Q26868

[DACC-1] (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[1]