Anna Karenina
 Titilsíða fyrstu útgáfu bókarinnar frá 1878. | |
| Höfundur | Lev Tolstoj |
|---|---|
| Upprunalegur titill | Анна Каренина |
| Þýðendur | Magnús Ásgeirsson (1.-2. bók) Karl Ísfeld (3.-4. bók) |
| Land |  Rússland |
| Tungumál | Rússneska |
| Stefnur | Raunsæi, harmleikur[1][2][3][4] |
| Útgefandi | Rússkíj Vestník |
Útgáfudagur | 1878 |
| Síður | 864 |
Anna Karenina (rússneska: Анна Каренина)[5] er skáldsaga eftir rússneska rithöfundinn Lev Tolstoj sem var gefin út sem bók árið 1878. Tolstoj kallaði bókina fyrstu sönnu skáldsögu sína.[6] Bókin var upphaflega birt í hlutum frá 1875 til 1877 og voru allir nema sá síðasti birtir í tímaritinu Rússkíj Vestník.[7] Þegar Tolstoj lauk síðustu hlutunum var hann farinn að hata söguna og honum var þvert um geð að ljúka við hana.[8]
Skáldsagan fjallar um svikráð, trú, fjölskyldu, hjónabönd, samfélag rússneska keisaradæmisins, ástarþrá og muninn á landsbyggðar- og borgarlífi. Sagan snýst um framhjáhald titilpersónunnar Önnu Karenínu með riddaraliðsforingjanum Aleksej Kíríllovítsj Vronskíj greifa. Samband þeirra veldur hneyksli í Sankti Pétursborg og neyðir ungu elskendurna til að flýja til Ítalíu í leit að hamingju en eftir að þau snúa heim til Rússlands umturnast líf þeirra enn frekar.
Járnbrautir eru sagnaminni sem birtist ítrekað í skáldsögunni. Ýmis mikilvæg atriði gerast um borð í farþegalestum eða á lestarstöðvum í Sankti Pétursborg eða annars staðar í Rússlandi. Frjálslyndisumbætur Alexanders 2. Rússakeisara og skyndilegar samfélagsbreytingar sem fylgdu þeim gerast í bakgrunni sögunnar. Skáldsagan hefur meðal annars verið gerð að leikriti, óperu, kvikmyndum, sjónvarpsþáttum, ballett, listhlaupi og útvarpsleikriti.
Tilvísanir
[breyta | breyta frumkóða]- ↑ Raymond Williams (1963). „Tolstoy, Lawrence, and Tragedy“. The Kenyon Review. 25 (4): 633–650. JSTOR 4334372.
- ↑ Khosla, Aishwarya (16 júlí 2025). „Anna Karenina, Tolstoy's timeless tragedy, revisited in 10 frames“. The Indian Express. Sótt 17 nóvember 2025.
- ↑ „A Tragedy without a Killer Is a Real Tragedy — Analysis of Anna Karenina's Tragedy“. Art Studies and Criticism. Frontier Scientific Publishing. Sótt 17 nóvember 2025.
- ↑ „Anna Karenina novel by Tolstoy“. Encyclopædia Britannica. 6 nóvember 2025. Sótt 17 nóvember 2025.
- ↑ Nabokov, Vladimir (1980). Lectures on Russian Literature. New York: Harvest. bls. 137 (note). ISBN 0-15-649591-0.
- ↑ Christian, R. F. (2015). Tolstoy’s Letters, Volume 1: 1828–1879. London: Faber & Faber. bls. 261. ISBN 9780571324071. Sótt 8. desember 2024. „This novel–I mean a novel, the first in my life–...“
- ↑ Todd, William M. III (2003). "Anna on the Installment Plan: Teaching Anna Karenina through the History of Its Serial Publication," Approaches to Teaching Tolstoy's "Anna Karenina", ed. Liza Knapp and Amy Mandeleker, New York: Modern Language Assoc. of America, bls. 55.
- ↑ MacFarquhar, Larissa (2015). Strangers Drowning: Impossible Idealism, Drastic Choices, and the Urge to Help. Penguin Books. bls. 277. ISBN 9780143109785.
Þessi bókmenntagrein sem tengist Rússlandi er stubbur. Þú getur hjálpað til með því að bæta við greinina.