Rain Man

Rain Man
Títol	Rain Man
Ficha tecnica
Dirección	Barry Levinson
Dirección artistica	William A. Elliott Linda DeScenna
Producción	Mark Johnson
Disenyo de producción	Ida Random
Guión adaptau	Barry Morrow Ronald Bass
Basau en	una historia de Barry Morrow
Musica	Hans Zimmer
Fotografía	John Seale
Montache	Stu Linder
Escenografía	Linda DeScenna
Vestuario	Bernie Pollack
Maquillache	Edwin Butterworth Rick Sharp
Peluquería	Joy Zapata
Efectos especials	Donald Myers
Casting	Louis DiGiaimo
Actors	Dustin Hoffman Tom Cruise Valeria Golino Jerry Molen Jack Murdock Michael D. Roberts Ralph Seymour Lucinda Jenney Bonnie Hunt Kim Robillard Beth Grant Barry Levinson Bob Heckel
Color	Color by DeLuxe Panavision
Datos y cifras
País(es)	Estaus Unius
Anyo	1988
Estreno	12 d'aviento de 1988 Nueva York (Nueva York, Estaus Unius)
Chenero(s)	Cine de comedia Cine de drama
Durada	134 min.
Idioma(s)	Anglés Italiano
Companyías
Productora(s)	United Artists Guber-Peters Company Star Partners II, Ltd
Distribución	MGM/UA Communications Co.
Presupuesto	25 millons de dólars
Recauto	354,8-429,4 millons de dólars
Informacions en bases de datos especializadas:

Rain Man (títol orichinal en anglés, en aragonés L'hombre d'a pluya, estrenada en Aragón con o suyo títol orichinal) ye una cinta de cine estausunidense de cine de comedia dramatica estrenada l'anyo 1988, dirichida por Barry Levinson seguntes un guión adaptau por Barry Morrow y Ronald Bass (basau en una historia d'o mesmo Barry Morrow), con una banda sonora orichinal de Hans Zimmer, una dirección de fotografía de John Seale y una producción cinematografica de Mark Johnson ta las productoras United Artists, Guber-Peters Company y Star Partners II, Ltd. Conta con un elenco formau por Dustin Hoffman, Tom Cruise, Valeria Golino, Jerry Molen, Jack Murdock, Michael D. Roberts, Ralph Seymour, Lucinda Jenney, Bonnie Hunt, Kim Robillard, Beth Grant, Barry Levinson y Bob Heckel, entre d'atros actors.

Charlie Babbitt s'adedica a la venda d'articlos luxosos ta coleccionistas y ha importau cuatre Lamborghini d'o mercau negro enta Los Angeles ta revender-los. Ta mercar-los heba demanau un ampre, que ha pagau con a bistreita que li han dau os compradors, que asperan impacients os suyos autos, pero istos se troban retenius porque superan os livels d'emisions acceptaus. Cuan li dicen que su pai Sanford Babbitt, con qui feba tiempos que no teneba contacto, ha falleixiu, Charlie marcha enta Cincinnati ta recibir l'herencio, pero se troba que nomás recibe que uns rosers y un Buick Roadmaster descapotable de 1949, remanindo 3 millons de dólars ta un fideicomisario anonimo. Descubre que ixos diners son ta un hespital pisquiatrico local a on ye ingresau Raymond, o suyo chirmano gran de qui no teneba dica l'inte constancia de que existise. Raymond tien autismo y ye extremadament intelichent, con rutinas bien estrictas y con grans aptituz ta las matematicas, pero que no amuestra aparentment garra emoción, de no estar que cuan siente medrana. Charlie se leva a Raymond con él y lo leva enta un hotel. Susanna marcha en sentir-se molesta por o tracto que da a Raymond, y a la fin Charñie decide demanar a custodia de su chirmano ta asinas poder controlar él l'herencio. Marchan enta Los Angeles pero, en negar-se Raymond a pillar un avión, fan o viache en auto, de modo que en tener un amplo contacto entre toz dos Charlie descubre muitismas cosa de su chirmano.

A cinta s'ambienta en a suya epoca actual (1988) en Cincinnati (Ohio), Las Vegas y Paradise (Nevada) y Los Angeles (California) y localizacions en Missouri; y las suyas escenas se filmoron en Los Angeles, Santa Ana, Santa Monica y West Hollywood (California), Cincinnati (Ohio), Cogar, El Reno, Guthrie, Hinton y Oklahoma City (Oklahoma), Las Vegas (Nevada), Metamora (Indiana) y Covington, Melbourne, Newport y Silver Grove (Kentucky).

Ye una cinta que ha recibiu cuantos premios y nominacions, en destacando cuatre Premios Oscar (Millor Cinta, Millor Director, Millor Actor y Millor Guión Orichinal) y atras cuatre nominacions (Millor Disenyo de Producción, Millor Fotografía, Millor Montache y Millor Banda Sonora Orichinal) en 1989 en a 61^ena edición d'os Premios Oscar; tres nominacions a los Premios BAFTA (Millor Actor, Millor Guión Orichinal y Millor Montache) en 1990 en a 43^ena edición d'os Premios BAFTA; una nominación a lo Premio César a la Millor Cinta Forana en 1990 en a 15^ena edición d'os Premios César; dos Premios David de Donatello (Millor Cinta Forana y Millor Actor Forano) y tres nominacions (Millor Director Forano, Millor Productor Forano y Millor Guión Forano) en 1989 en a 34^ena edición d'os Premios David de Donatello; y dos Premios Globos d'Oro (Millor Cinta Dramatica y Millor Actor Dramatico) y atras dos nominacions (Millor Director y Millor Guión) en 1989 mientres a 46^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1988.
• Cintas de 1988.

Vinclos externos

• (en) Rain Man en Internet Movie Database.
• (en) Rain Man en l'American Film Institute Catalog de l'American Film Institute.
• (en) Rain Man en Box Office Mojo.
• (en) Rain Man en Rotten Tomatoes.
• (en) Rain Man en Metacritic.

• Datos: Q188845