Batman Begins

Batman Begins
Offeecial lowse poster
Directit bi	Christopher Nolan
Produced bi	Charles Roven Emma Thomas Larry Franco
Screenplay bi	Christopher Nolan David S. Goyer
Story bi	David S. Goyer
Based on	Chairacters appearin in comic beuks published bi DC Comics
Starnin	Christian Bale Michael Caine Liam Neeson Katie Holmes Gary Oldman Cillian Murphy Tom Wilkinson Rutger Hauer Ken Watanabe Morgan Freeman
Muisic bi	Hans Zimmer James Newton Howard
Cinematography	Wally Pfister
Editit bi	Lee Smith
Production companies	DC Comics Legendary Pictures Syncopy Patalex III Productions
Distributit bi	Warner Bros. Pictures
Release date	31 Mey 2005 (2005-05-31) (Tokyo) 15 Juin 2005 (2005-06-15) (Unitit States) 17 Juin 2005 (2005-06-17) (Unitit Kinrick)
Rinnin time	140 meenit
Kintra	Unitit States Unitit Kinrick
Leid	Inglis
Budget	$150 million
Box office	$375.4 million

Batman Begins is a 2005 superhero film based on the DC Comics chairacter Batman. Directit bi Christopher Nolan, wha co-wrate the screenpley wi David S. Goyer, the film starns Christian Bale as Bruce Wayne / Batman, wi Michael Caine, Liam Neeson, Katie Holmes, Gary Oldman, Cillian Murphy, Tom Wilkinson, Rutger Hauer, Ken Watanabe, an Morgan Freeman in supportin roles. The film rebuits the Batman film series, tellin the oreegin story o Bruce Wayne (Bale) frae the daith o his parents tae his journey tae become Batman an his fecht tae stap Ra's al Ghul (Neeson) an the Scarecrow (Murphy) frae plungin Gotham Ceety intae chaos.

Efter Batman & Robin (1997) wis panned bi creetics an unnerperformit at the box office, Warner Bros. Pictures cancelled futur Batman films, includin Joel Schumacher's planned Batman Unchained. Atween 1998 an 2003, seevral filmmakers collaboratit wi Warner Bros. in attemptin tae rebuit the franchise. Efter the studio rejeckit a Batman oreegin story rebuit Joss Whedon pitched in December 2002, Warner Bros. hired Nolan in Januar 2003 tae direct a new film. Nolan an Goyer begoud development on the film in early 2003. Aimin fur a derker, mair realistic tone compared tae the aulder films, a primary goal fur thair veesion wis tae engage the audience's emotional investment in baith the Batman an Bruce Wayne identities o the lead chairacter. The film, that wis principally shot in the Unitit Kinrick, Iceland an Chicago, releed heivily on tradeetional stunts an miniatur effecks, wi computer-generatit imagery bein uised in a minimal capacity compared tae ither action films. Comic beuk storylines sic as The Man Who Falls, Batman: Year One, an Batman: The Long Halloween servit as inspiration.

Expectations fur Batman Begins reenged frae moderate tae low, that oreeginatit frae the puir reception o Batman & Robin that wis creditit wi stallin the Batman film series in 1997. Efter premierin in Tokyo on 31 Mey 2005, the film wis lowsed in the Unitit States on 15 Juin. The film received positive reviews an endit up grossin ower $371.9 million warldwide against a $150 million budget, becomin the nint heichest-grossin film o 2005, an wis the seicont heichest grossin Batman film at the time o its lowse, ahint Tim Burton's Batman (1989). Receivin a nomination fur the Academy Awaird fur Best Cinematography, the film elevatit Bale tae leadin man status whiles it makkit Nolan a heich-profile director.

Syne its lowse, Batman Begins haes aften been citit as ane o the maist influential films o the 2000s. The film helped popularise the term rebuit in Hollywood, inspirin studios an filmmakers tae revive franchises wi realistic an serious tones. It wis follaed bi the sequels The Dark Knight (2008) an The Dark Knight Rises (2012), that roondit oot The Dark Knight trilogy.