Justice

Ne uma franciachanejket Gaspard Augé wan Xavier de Rosnay kichiwket Justice tik ne shiwit ume shikipil yey (2003). Yejemet kichiwat inson^[1] Electronica iwan Rock wan Disco. Yejemet kipiat se kwawit wan imejmey^[2] ken inkwikwil^[3].

Yejemet pejket iwan ne kalsonchiwalis^[4] Boombox Records iwan intatuktiani^[5] Jamie Reynolds kaj kichiwa ne Klaxons iwan ujukseuk ichajchakuwan, melka an yejemet nemit iwan Ed Banger Records, ika Ed Banger Records kikujket Boombox Records. Ne intajtatuktianimet Pedro Winter (Busy P) wan Jamie Reynolds (The Cat) katka.

Incasoj

Ne achtu intejtekiw wan Ed Banger (intzalan ne shiwit ume shikipil yey wan ne shiwit ume shikipil chikwasen / 2003–2006)

Justice kichiwket ume tajtakwikalis^[6] ipanpa ne yawaltakwikalis^[7] "Hits Up to You" ipanpa Musclorvision pal ne Eurovision. Augé kichiwki se takwikalis nusan iwan ne itukey "Microloisir". Kinhishmatket iwan ne intanelualis senpa^[8] ipanpa ne takwikalis "Never Be Alone" inpanpa Simian. Kia ne nemik iwan Ed Banger. Nemanha kiski senpa ka Reino Unido tik ne shiwit ume shikipil chiknawi (2006) wan kitukeytijket "We Are Your Friends".

Justice tekitket tik ujukseuk intajtanelualis senpa ipanpa ujukseuk sojsonchiwanimet^[9]. Ne achtu kutu inyawaltakwikalis^[10] "Waters of Nazareth" kiski tik ne metzti chiknawi pal ne shiwit ume shikipil makwil (9/2005). kinmakaket ne takulis "Mejor Video" tik ne MTV Europe Music Awards tik ne shiwit ume shikipil chikwasen (2006) ipanpa ne inhulinkwikwil^[11] "Justice vs. Simian – 'We Are Your Friends'", melka yejemet tesu yejket, yajika kimakaket inkumpa "So Me" wan ne tatuktiani inhulinkwikwil^[12] Jérémie Rozan.

Cross. (intzalan ne shiwit ume shikipil chikume wan ne shiwit ume shikipil majtakti / 2007–2010)

Ne achtu inyawaltakwikalis "†" (Cross) kiski tik Ed Banger tik ne tunal majtakti se pal ne metzti chikwasen tik ne shiwit ume shikipil chikume (11/6/2007). Nemanha kichiwket ne "EP" "D.A.N.C.E." wan kipia "Phantom" wan ne intanelualis senpa ipanpa "D.A.N.C.E.", kitukeytijket "B.E.A.T" wan ujukseuk intajtakwikalis. Tik ne tunal se pal ne metzti majtakti se (1/11), kinmakaket ne takulis "Video Estrella" wan ne takulis "Mejor Acto Francés del Año" tik ne European Music Awards ka Múnich.

Ne intakwikalis "Planisphère" kiski tik nawi tajtakutun tik MySpace. Nemanha kiski tik ne ume inyawaltakwikalis "Audio, Video, Disco" tik ne shiwit uma shikipil majtakti se (2011), wan kiski ne "EP" tik ne shiwit ume shikipil se pual ume (2022).

Tik ne tunal se pual makwil pal ne metzti chikwey tik ne shiwit ume shikipil chikwey (25/8/2008), yejemet inaket tik MySpace ka yaw-kichiwat ne weyak inhulinkwikwil^[13] wan inyawaltakwikalis keman kitzutzunket ne inson^[14] wan kitukeytijket "A Cross the Universe" katka.

Tik ne metzti se pal ne shiwit ume shikipil chiknawi (1/2009), ne sojsonchiwanimet Birdy Nam Nam, kichiwket se inyawaltakwikalis wan kitukeytijket "Manual for Successful Rioting", wan Justice kinpalewijket iwan se intakwikalis "The Parachute Ending". Kinmakaket ne takulis "Mejor Grabación Remezclada, No Clásica" tik ne Premios Grammy ipanpa ne intanelualis senpa pal ne intakwikalis "Electric Feel" inpanpa MGMT tik ne shiwit ume shikipil chiknawi (2009).

Tik ne metzti majtakti se pal ne shiwit ume shikipil chiknawi (11/2009) tik ne pichawak amachti^[15] "Mixmag" Justice inaket ka yejemet yaw-tekitit tik ne ison ipanpa ne weyak ulinkwikwil "Rubber" ipanpa Mr. Oizo. Yejemet inak ka yejemet kichiwtuskiat ne son ipanpa ne weyak ulinkwikwil achtu ka yankwik inyawaltakwikalis.

Audio, Video, Disco (intzalan ne shiwit ume shikipil majtakti se wan ne shiwit ume shikipil majtakti nawi / 2011–2014)

Tik ne tunal nawi pal ne metzti nawi tik ne shiwit ume shikipil majtakti se (4/4/2011), kiski ne kutu inyawaltakwikalis "Civilization" wan ne inhulinkwikwil pal ne kutu inyawaltakwikalis kiski tik ne tunal se pual chikume pal ne metzti makwil (27/5), tik YouTube.

Tik ne tunal chikwasen pal ne metzti chiknawi tik ne shiwit ume shikipil majtakti se (6/9/2011), kiski ne inhulinkwikwil ipanpa ne kutu inyawaltakwikalis "Audio, Video, Disco" tik Facebook. Tik ne tunal se pual nawi pal ne metzti majtakti tik ne shiwit ume shikipil majtakti se (24/10/2011), kiski ne ume inyawaltakwikalis "Audio, Video, Disco".

Tik ne metzti yey pal ne shiwit ume shikipil majtakti ume (3/2012), Justice kitzutzunket ne intajtakwikalis pal ne inyawaltakwikalis "†" (Cross) wan ne yankwik inyawaltakwikalis "Audio, Video, Disco" tik ne Ultra Music Festival ka Miami.

Tik ne tunal chikume pal ne metzti makwil tik ne shiwit ume shikipil majtakti yey (7/5/2013), kiski ne ume inyawaltakwikalis keman kitzutzunket ne inson kitukeytijket "Access All Arenas". Ini inyawaltakwikalis keman kitzutzunket ne inson, Justice kichiwket tik ne Arena de Nimes ka Francia tik ne tunal kashtul nawi pal ne metzti chikume tik ne shiwit ume shikipil majtakti ume (19/7/2012).

Woman (intzalan ne shiwit ume shikipil majtakti nawi wan ne shiwit ume shikipil kashtul yey / 2014–2018)

Tik ne tunal majtakti yey pal ne metzti chikume tik ne shiwit ume shikipil kashtul se (13/7/2016), kiski se yankwik kutu inyawaltakwikalis "Safe and Sound". Tik ne tunal majtakti yey pal ne metzti chiknawi tik ne shiwit ume shikipil kashtul se (13/9/2016), Justice inak tik Facebook ka ne yey inyawaltakwikalis kitukeytijket "Woman"

Tik ne tunal majtakti nawi pal ne metzti chiknawi tik ne shiwit ume shikipil kashtul se (14/9/2016), kiski ne ume kutu inyawaltakwikalis "Randy" tik Facebook. Tik ne tunal kashtul yey pal ne metzti majtakti se tik ne shiwit ume shikipil kashtul se (18/11/2016) kiski "Woman" tik ne kalsonchiwalis Ed Banger.

Tik ne tunal majtakti pal ne metzti makwil tik ne shiwit ume shikipil kashtul yey (10/5/2018), tik ne Google I/O ka California, Justice inak ka kiski se inyawaltakwikalis pal ne tajtanelualis senpa^[17] tik ne tunal se pual nawi pal ne metzti chikwey tik ne shiwit ume shikipil kashtul yey (24/8/2018) katka, wan kitukeytijket "Woman Worldwide".

Tik ne tunal kashtul pal ne metzti majtakti ume tik ne shiwit ume shikipil se pual ume (15/12/2022), kiski ne inyawaltakwikalis "†" (Cross) senpa ika kipiatuya kashtul shiwit. Ne inyawaltakwikalis kipia chikwasen yankwik intakwikalis.

Hyperdrama (intzalan ne shiwit ume shikipil se pual nawi wan an / 2024–)

Tik ne tunal majtakti ume pal ne metzti chikwasen tik ne shiwit ume shikipil se pual yey (12/6/2023), Pedro Winter inak ka ne nawi inyawaltakwikalis inpanpa Justice yaw-kisa tik ne shiwit ume shikipil se pual nawi (2024) katka.

Tik ne tunal se pual nawi pal ne metzti se tik ne shiwit ume shikipil se pual nawi (24/1/2024) kiski ne achtu wan ne ume intakwikalis "One Night/All Night" iwan Tame Impala wan "Generator". Tik ne tunal chikwasen pal ne metzti yey tik ne shiwit ume shikipil se pual nawi (6/3/2024), kiski ne yey kutu inyawaltakwikalis "Incognito" wan ne nawi kutu inyawaltakwikalis "Saturnine" iwan Miguel kiski tik ne tunal se pual pal ne metzti yey tik ne shiwit ume shikipil se pual nawi (20/3/2024). Ne inyawaltakwikalis "Hyperdrama" kiski tik ne tunal se pual chikwasen pal ne metzti nawi (26/4).

Kimakaket ne takulis "Mejor Grabación Dance/Electrónica" ipanpa ne intakwikalis iwan Tame Impala "Neverender" tik ne 67.ª edición de los Premios Grammy.

Justice kipalewijket The Weeknd iwan ne itakwikalis "Wake Me Up" pal ne iyawaltakwikalis "Hurry Up Tomorrow" wan kiski tik ne tunal se pual majtakti se pal ne metzti se tik ne shiwit ume shikipil se pual makwil (31/1/2025).

Itekiw

Inyajyawaltakwikalis

"†" (ume shikipil chikume / 2007)
"Audio, Video, Disco" (ume shikipil majtakti se 2011)
"Woman" (ume shikipil kashtul se / 2016)
"Hyperdrama" (ume shikipil se pual nawi / 2024)

Inyajyawaltakwikalis keman kitzutzunket ne inson

"A Cross the Universe" (ume shikipil chikwey / 2008)
"Access All Arenas" (ume shikipil majtakti yey / 2013)

Inyawaltakwikalis pal ne tajtanelualis senpa

"Woman Worldwide" (ume shikipil kashtuk yey / 2018)

Weyak ujulinkwikwil

"A Cross the Universe" (ume shikipil chikwey / 2008)
"Rubber" (ume shikipil majtakti / 2010)
"Iris: A Space Opera by Justice" (ume shikipil kashtul nawi / 2019)

Kimakaket Uni Tajtakulis

2006

"Mejor Video" ipanpa "We Are Your Friends" tik ne MTV Europe Music Awards.

2007

"Mejor Video" ipanpa "D.A.N.C.E." tik ne MTV Europe Music Awards.
"Mejor Acto Francés" tik ne MTV Europe Music Awards.

2008

"Mejor Edición" ipanpa "Stress" tik ne Antville Music Video Awards.
"Mejor Cinematografía" ipanpa "Stress" tik ne Antville Music Video Awards.
"Mejor Artista Revelación (Grupo)" tik ne International Dance Music Awards.
"Mejor Video Musical Dance" ipanpa "D.A.N.C.E." tik ne International Dance Music Awards.
"Mejor Video Musical Alternativo / Indie" ipanpa "D.A.N.C.E." tik ne NME Awards.
"Mejor Acto Electrónica/Dance" tik ne Victoires de la Musique.
"Mejor Video Internacional" ipanpa "Stress" tik ne UK Video Music Awards.

2009

"Mejor Grabación Remezclada, No Clásica" ipanpa ne intanelualis senpa pal ne intakwikalis "Electric Feel" tik ne Grammy Awards.

2012

"Álbum de Música Electrónica" ipanpa "Audio Video Disco" tik ne Victoires de la Musique.
"Mejores Efectos Visuales" ipanpa "New Lands" tik ne UK Video Music Awards.