Graham Land

	Graham Land
	region
Land	Antarktis
	; Graham Land; 66°00′S 63°30′W / 66°S 63.5°W
	Nordlege Graham Land og omliggande øyar 1 Den antarktiske halvøya, 2 James Ross Island, 3 D'Urville Island, 4 Joinville Island, 5 Dundee Island, 6 Snow Hill Island, 7 Vega Island, 8 Seymour Island, 9 Andersson Island, 10 Paulet Island, 11 Lockyer Island, 12 Eagle Island, 13 Jonassen Island, 14 Bransfield Island, 15 Astrolabe Island, 16 Tower Island Nordlege Graham Land og omliggande øyar 1 Den antarktiske halvøya, 2 James Ross Island, 3 D'Urville Island, 4 Joinville Island, 5 Dundee Island, 6 Snow Hill Island, 7 Vega Island, 8 Seymour Island, 9 Andersson Island, 10 Paulet Island, 11 Lockyer Island, 12 Eagle Island, 13 Jonassen Island, 14 Bransfield Island, 15 Astrolabe Island, 16 Tower Island
	Wikimedia Commons: Graham Land

Graham Land er den delen av Den antarktiske halvøya som ligg nord for linja mellom Cape Jeremy og Cape Agassiz. Denne skildringa av Graham Land samsvarar med avtalen frå 1964 mellom britiske Antarctic Place-names Committee og amerikanske Advisory Committee on Antarctic Names, der namnet «Den antarktiske halvøya» vart godkjend som namn på den store halvøya i Antarktis, og namna Graham Land og Palmer Land for dei høvesvis nordlege og sørlege områda.

Graham Land er kalla opp etter sir James R. G. Graham, som var britisk marineminister på tida då John Biscoe utforska vestsida av Graham Land i 1832. Området er gjort krav på Storbritannia (som ein del av Britisk Antarktis), Argentina (som ein del av Argentinsk Antarktis) og Chile (som ein del av Chilensk Antarktis).

Graham Land er den delen av Antarktis som ligg nærast Sør-Amerika.^[1]

Andre land

Namnet «Graham Land» er ikkje anerkjent av alle land, som til dømes Argentina, som kallar det Tierra de San Martín (Saint Martin Land) i tillegg til at dei kallar den nordlege delen av halvøya Trinidad. Chile kallar heile Den antarktiske halvøya for O'Higgins Land.