Digital Object Identifier

DOI-Logo vun de International DOI Foundation

De Digital Object Identifier na ISO 26324 betekent enen mööglichst eenheidlichen un duerhaftigen digitalen Identifikater för physische, digitale oder abstrakte Objekten. Dat DOI-Systeem warrt vun de International DOI Foundation bedreven un warrt vör allen för Online-Artikels in wetenschopliche Facktiedschriften bruukt. För de Integrität un der Duerhaftigkeid vun eenzelne DOIs kümmt de Organisatschoon op, de ook dat Objekt pleegt.

Dat DOI-Systeem boot op dat Handle-System op un is to enen Deel mit ISBN un ISSN to verglieken, schall aver dör en integreerte Lokalisatschoonsfunkschoon noch wiedergahn.

Funkschoonswies

DOIs schöölt duerhaft op digitale Objekten verweisen. Dat warrt dör en eenheidlichen, duerhaftigen Naam (Identifikator) för jeedeen Objekt beschickt. Mit disse Naam kann uut ene zentrale Datenbank de Uniform Resource Locator (URL) afropen warrn, ünner de dat Objekt aktuell to finnen is. Dat köönt ok mehrere URLs angeven warrn; denn warrt bi den Togreep eerst all oplistet.

Mit den DOI warrt Metadaten över dat Objekt spiekert. Disse Metadaten mööt dat Schema vun de Registrierungsagentur (t. B. Crossref, DataCite) liekkamen. Ok de letzte Verschoon vun de Metadaten kann afropen warrn.

En technische Sekerstellung vun de Integrität is nich vörsehn. De Metadaten köönt ännert warrn, un en Historie vun de Ännerungen is nich vörhannen. Ok dat Objekt sülvst kann na de Vergaav vun en DOI ännert oder uutwisselt warrn.

DOIs schöölt dat Problem vun dode Links lösen. Dat funktschoneert aver bloots, wenn de URL in de Datenbank bi Ännerungen aktualiseert warrt.

De zentrale Datenbank warrt vun de International DOI Foundation bedreven. Se spiekert na ehr Datenschutzrichtlien bloots Domänennamen/IP-Adressen, Tieden un besöchte Sieden.

Opbo

De Struktuur vun den DOI is in ISO 26324:2012 fastleggt.

Organisatschoonen

DOIs fangt mit „10.“ an, denn folgt en Nummer för de Organisatschoon. Disse kriegt vun de Stiftung en ID (minstens veerstellige Nummer). De Organisatschonen geevt denn sülvst en Objekt-ID achter en Schreegstreek..

As Uniform Resource Identifier warrt „doi:“ vöranstellt → „doi:10.ORGANISATION/ID“.

Binnen en Publikatschoon köönt ok Ünnerobjekten egen DOIs hebben.

Bispelen

De DOI „10.1000/182“ identifizeert en Dokument bi de Stiftung. De URL is https://doi.org/10.1000/182.

De Sied wiest meist nich direkt dat Dokument, man en Informatschoonssied daaröver.

Utwahl vun registrierte Organisatschoonen

DOI-Präfix	Besitzer
10.1000	International DOI Foundation
10.1001	American Medical Association
10.1002	John Wiley & Sons
10.1007	Springer-Verlag
10.1016	Elsevier
10.1021	American Chemical Society
10.1038	Nature Publishing Group
10.1055	Thieme Verlagsgruppe
10.1063	American Institute of Physics
10.1073	National Academy of Sciences
10.1080	Informa
10.1088	Institute of Physics
10.1093	Oxford University Press
10.1098	Royal Society
10.1109	IEEE
10.1111	John Wiley & Sons
10.1128	American Society for Microbiology
10.1136	AAAS
10.1145	Association for Computing Machinery

Oplösen

De Deel „10.…“ is de egentlige DOI. De Vördeel mit https://doi.org/ is en Resolver, de den Browser ümleit.

Ok anner Resolver köönt bruukt warrn (t. B. hdl.handle.net).

Dat Projekt Unpaywall kann en frei togängliche Version söken un direkt dorthin leiten.

Bruuk

För de meeste wetenschopliche Artikels gifft dat DOIs. Se köönt bi Verlagen funnen warrn.

Programme köönt Metadaten per DOI importeren. Ok Wikipedia bruukt DOIs in Quellen.

2005 hett de Technische Informationsbibliothek DOIs för Forschungsdaten bruukt.

Weblenken

• https://doi.org/
• https://shortdoi.org/
• https://search.crossref.org/