Elvire Engel
| Elvire Engel | |
|---|---|
| Gebuer |
17. Februar 1949 Lëtzebuerg |
| Gestuerwen | 19. August 2004 |
| Nationalitéit | Lëtzebuerg |
| Educatioun |
École privée Notre-Dame Sainte-Sophie, Universitéit vu Stroossbuerg |
| Aktivitéit | Gynekologin |
 | |
D'Elvire Engel, gebuer de 17. Februar 1949 an der Stad Lëtzebuerg, a gestuerwen den 19. August 2004[1], war eng lëtzebuergesch Fraendoktesch.[2]
Si huet no hirer Première an der École privée Notre-Dame Sainte-Sophie, op der Uni zu Stroossbuerg Medezin studéiert. Nom Ofschloss vun hirer Spezialisatioun fir Gynekologin krut si 1979 d'Approbatioun, fir zu Lëtzebuerg als sollech kënnen ze praktikéieren.
Si huet matgehollef, an der Wëlzer Klinick eng Gebuertsstatioun anzeriichten.
Si huet sech och am Burkina Faso agesat, fir datt sozial benodeelegt Fraen a Kanner sollen Zougank zu Gesondheetsservicer an zu enger gudder Ausbildung kréien. Dofir huet si eng Stëftung op d'Bee gesat, d'Fondation Dr. Elvire Engel, déi och no hirem Doud weider aktiv ass.
Éierungen
[änneren | Quelltext änneren]Fir un d'Elvire Engel z'erënneren, goufen zu Grass[3] an zu Nouspelt[4], allkéiers eng Strooss no hir genannt.
Um Spaweck
[änneren | Quelltext änneren]Referenzen
[Quelltext änneren]- ↑ Accueil op fondationdrengel.lu.
- ↑ Quell, wou net anescht uginn: Rue docteur Elvire Engel op rues-au-feminin.lu, nogekuckt: 09.03.2026.
- ↑ Lokalisatioun vun der Strooss zu Grass (L-8346)
- ↑ Lokalisatioun vun der Strooss zu Nouspelt (L-8390)
