Bigband
Eng Bigband ass e grousse Museksensembel, dee Wierker aus dem Jazzrepertoire interpretéiert, virum allem am Museksstil Swing, dee vun 1930 bis 1945 seng Glanzzäit hat.
Den Numm Bigband staamt vum Engleschen "big band", wat "grousse Museksensembel" bedeit.
Eng Bigband besteet fir gewéinlech aus véier Sektiounen:
- 4-5 Saxofonen
- 4 Zuchposaunen
- 4-5 Trompetten
- D'Rythmussektioun, déi gewéinlech aus Piano, Kontrabass a Schlogezei besteet, woubäi dacks och eng Jazzgittar derbäi ass.
Bigbanden zu Lëtzebuerg
[änneren | Quelltext änneren]Déi éischt Bigband zu Lëtzebuerg gouf 1950 vum Jempi Faust (1929-1995[1]) gegrënnt. Si huet vun 1950 bis 1951 existéiert.[2] Zu Lëtzebuerg gëtt et 14 Bigbanden (Stand 2026).
| Bigband | Gegrënnt |
|---|---|
| Déifferdenger Big Band | 1964 |
| Dixie-Sound[3] | 1976 |
| Spectrum | 1980 |
| Bigband vun der Lëtzebuerger Militärmusek | 1978 |
| Opus 78 | 1978 |
| Jazz-Bigband vum Stater Conservatoire | 1987 |
| Spuerkeess-Bankers in Concert | 1988 |
| Big Band Memory | 1990 |
| Music-Band SPGL | 1990 |
| Luxembourg Jazz Orchestra | 1993 |
| LGL Big Band[4] | 2003 |
| Orchestre national de jazz du Luxembourg | 2005 |
| The Northern Big Band | 2009 |
| Luxembourg Little Big Band | 2011 |
| Märeler Big Band | 2014 |
| Gilles Grethen Big Band | 2023 |
Bibliographie
[änneren | Quelltext änneren]- Hausemer, Georges, 2006. Luxemburger Lexikon: das Grossherzogtum von A - Z. Luxemburg. Éditions Guy Binsfeld. 478 S. ISBN 978-2-87954-156-3.
- Spautz, Roger, 1983. Luxemburgs Pioniere der leichten Muse. 317 p. RTL Edition, Luxembourg. ISBN 2-87951-035-x.
