Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum julio 50, 100 e 200 yari ante nun …
20 di julio1976. La kosmo-sondilo Viking 1 atingis la surfaco di Marso. Ye 20 di agosto 1975 la kosmo-navo, qua konsistis de orbitanto e tervenanto, lansesis de Kabo Canaveral, Usa; ol eniris orbito cirkum Marso ye 19 di junio 1976. Ciencisti selektis apta terveno-loko, per regardado di fotografuri di la surfaco transmisita da la orbitanto. Kande la tervenanto arivis ye la surfaco, ol transmisis kolorizita fotografuri di la cirkumajo; ol registragis temperaturo de -86C til -33C; tamen la sismografo ne funcionis. Brakio kolektis specimeno de la sulo, qua esis analizata; organika kompozuri ne esis trovata. La tervenanto duris transmisar informeso til 1 di februaro 1983. Lo esis la unesma sucesoza projeto en qua sondilo tervenis sur Marso; la plu frua Mars 3, di USSR en 1971, cesis funcionar 20 sekundi pos ke ol atingis la surfaco.
9 di julio1926. En Los Angeles, Usa, la filmo The Son of the Sheik ("La Filiulo di la Sheiko"), en qua Rudolph Valentino prenis precipua rolo, esis unesmafoye vidata. La filmo esis sequantajo di ilua filmo The Sheik, di 1921; la intenco esis rivivigar ilua kariero pos plu recenta ne-sucesoza filmi. Pos la vidado en Los Angeles, Valentino turis Usa por promocar la filmo ante generala distributado ye 5 di septembro. Ye 15 di agosto en New York il grave maladeskis ed eniris hospitalo; il mortis ye 23 di agosto, evante 31 yari.
4 di julio1826. En Quincy, Massachusetts, John Adams, duesma Prezidanto di Usa, mortis evante 90 yari. Il mortis 50 yari pos la dato di la adopto di la Deklaro di Nedependo en 1776. Adams helpabis Thomas Jefferson, la triesma prezidanto, pri la redakto di la Deklaro, e li depose esis amiki e rivali dum multa yari. La lasta vorti di Adams esis "Jefferson posvivas." Tamen, novajo plu tarde arivis ke Jefferson mortis plu frue ye la sama dio.
La rolo di Benjamin Franklin persuadis Britania pulsar Francia ek Kanada e kinadek yari pose persuadis Francia helpar pulsar Britania ek Usa esas extrema pruvo di paktal arto.
Franklin esis un ek la fondinti di Usa e kunkompilinti dil Usana konstituco de 1776.
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
