Cessna
| Cessna Aircraft Company | ||
 | ||
| algemien | ||
| hist. namme | Cessna-Roos Aircraft Company (septimber–oktober 1927) | |
| nasjonaliteit | Feriene Steaten | |
| sektor | Boargerloftfeart | |
| haadkertier | Wichita, Kansas | |
| oprjochte | 7 septimber 1927 | |
| opdoekt | 2014 (Fúzje mei Hawker Beechcraft) | |
| oprjochter | Clyde Cessna, Victor Roos | |
| eigner | Scott A. Ernest | |
| sifers | ||
| aktyf yn | hiele wrâld | |
| wurknimmers | 8500 (febrewaris 2013) | |
| offisjele webside | ||
| (in) http://www.cessna.com | ||
.jpg)
_(2)_(cropped).jpg)
Cessna Aircraft Company is in Amerikaanske fabrikant fan fleantugen, fan lytse ien- en twamotorige propeller-, turboprop- en strielfleantugen. Fan begjin 1965 ôf oan produsearre Cessna ek sakejets. It bedriuw sit yn Wichita, Kansas, en grinzet oan it súdeasten fan de Wichita Dwight D. Eisenhower National Airport. Foar in grut part fan 'e midden oant lette 20e iuw wie Cessna ien fan 'e grutste en produsinten fan in grut ferskaat oan algemiene loftfeartfleantugen yn 'e wrâld.
Skiednis
[bewurkje seksje | boarne bewurkje]De oarsprong fan it bedriuw leit yn juny 1911, doe't Clyde Cessna, in lânbouwer út Rago yn Kansas, in fleantúch boude fan hout en seil. Cessna begon syn hout-en-stof fleantúchprojekten yn Enid, Oklahoma, en teste in protte fan syn iere fleantugen op 'e sâltflakten dêre. Doe't bankiers yn Enid wegeren him mear jild te lienen om syn fleantugen te bouwen, ferhuze hy nei Wichita. Cessna Aircraft waard oprjochte doe't Clyde Cessna en Victor Roos yn 1927 partners waarden yn 'e Cessna-Roos Aircraft Company. Roos naam al ûntslach nei mar ien moanne en ferkocht syn belang werom oan Cessna.[8] Koart dêrnei waard de namme fan Roos út 'e bedriuwsnamme skrast.[9]
Yn 1924 soe Cessna tegearre mei Lloyd C. Stearman en Walter H. Beech Travel Air Manufacturing Co. foarmje, in firma dy't twaddekkers boude yn Wichita. Yn 1927 ferliet Cessna Travel Air om syn eigen bedriuw op te rjochtsjen, Cessna Aircraft Company, en iendekkers te bouwen. Cessna moast fanwegen de swakke ekonomy de doarren slute fan 1932 oant 1934. Yn 1934 naam Dwane Wallace mei help fan syn broer Dwight it bedriuw oer en begûn Cessna stadichwei nei in wrâldwiid sukses.
Nei de Twadde Wrâldoarloch lansearre Cessna de 170 - dy't tegearre mei lettere modellen lykas de 172 it meast ferkochte lichte fleantúch út de skiednis waard. Yn 1972 yntrodusearre Cessna de suksesfolle Citation sakejet.
Cessna waard yn 1985 opkocht troch General Dynamics, en yn it jier dêrnei hold it op mei it meitsjen fan fleantugen oandreaun troch sûgermotors fanwegen twivels oer de betrouberens. Yn 1992 waard Cessna ferkocht oan Textron. Koart skoft dêrnei waard wer begûn mei de produksje fan lichte fleantugen. Yn 2014 hold it bedriuw sa op te bestean en waard Cessna in merknamme fan Textron.
Modellen
[bewurkje seksje | boarne bewurkje]1911 - 1944
1945 - no
- Cessna 120
- Cessna 140
- Cessna 150
- Cessna 152
- Cessna 162 Skycatcher
- Cessna 170
- Cessna 172 Skyhawk
- Cessna 175 Skylark
- Cessna 177 Cardinal
- Cessna 180 Skywagon
- Cessna 182 Skylane
- Cessna 185 Skywagon
- Cessna 188 AgWagon & AgTruck
- Cessna 190
- Cessna 195 Businessliner
- Cessna 205, 206 Stationair en 207
- Cessna 208 Caravan
- Cessna 210 Centurion
- Cessna T303 Crusader
- Cessna 305 Bird dog
- Cessna 310
- Cessna 336 Skymaster
- Cessna 337 Super Skymaster
- Cessna 402
- Cessna 404 Titan
- Cessna 421 Golden Eagle
- Cessna 425 Conquest I
- Cessna 441 Conquest II
- Cessna 500 (prototype Citation I)
- Cessna 501 Citation I
- Cessna 510 Citation Mustang
- Cessna 525 CitationJet
- Cessna 550 Citation II
- Cessna 551 Citation II/SP
- Cessna 560 Citation V, Ultra en Encore
- Cessna 560XL Citation Excel, XLS en XLS+
- Cessna 650 Citation III
- Cessna 680 Citation Sovereign
- Cessna 680A Citation Latitude
- Cessna 700 Citation Longitude
- Cessna 750 Citation X
- Cessna T-37
 | Ofbylden dy't by dit ûnderwerp hearre, binne te finen yn de kategory Cessna fan Wikimedia Commons. |
| Boarnen, noaten en/as referinsjes: |
