Adam eta Eva

Adam eta Eva judu, kristau eta musulmanen sinesmenaren arabera, Lurraren gainean egon ziren lehen gizakiak izan ziren, lehen gizona eta lehen emakumea, hurrenez hurren.^[1]

Jainkoak (edo Yahwehk edo Alak) sortu zituen Kreazioaren seigarren egunean. Biblia eta Koranaren arabera Adam lehenago sortu zuen Jaungoikoak eta, bakarrik ikusterakoan, bere saihets batetik sortu zuen Eva. Euren lehen semeak Kain eta Abel izan ziren, eta ondoren Set. Gainera, izenik ez duten beste ume batzuk ere izan zituzten. ^[2]

Adam eta Evaren mitoa ezinbestekoa da gizadia, funtsean, jatorri arbasodun bikote baten ondorengo familia bakar bat delako usterako. Kristautasunean garrantzitsuak diren arren, judaismoan eta islamean konpartitzen ez diren gizakiaren erorketaren eta jatorrizko bekatuaren doktrinentzako oinarria ere ematen dute. ^[3]

Biblia hebrearraren Genesiaren Liburuaren lehen bost kapituluetan Munduaren sorreraren inguruko bi kontakizun daude, bi ikuspegi desberdinekin:

Adan eta Eva ez dituzte izendatu gabe Jainkoak gizateria bere irudira sortu zuela eta ugaritzeko agindu ziela kontatzen da, berak kreatu zuen guztiaren gainean gobernatuz.
Jainkoak Adan buztinetik sortzen du eta Edeneko Lorategian jarri. Adani esaten dio libreki jan dezakeela lorategiko zuhaitz guztietatik, ongiaren eta gaizkiaren ezagutzaren zuhaitzetik izan ezik. Ondoren, haren kide izateko sortu dute Eva, Adanen saihets batetik abiatuta. Errugabeak dira, eta ez dute lotsarik beren biluztasunaz, harik eta Edeneko Lorategiko Suge batek Eva debekatutako zuhaitzaren fruitua jan dezan konbentzitzen duen arte, eta Ebak fruitu horren zati bat ematen dio Adani. Ekintza horiek, ezagutza gehigarria emateaz gain, lotsa eta gaizkia bezalako kontzeptu negatiboak eta suntsitzaileak konjuratzeko gaitasuna ere ematen diete. Jainkoak gero sugea madarikatzen du eta desobeditzeko bekatuaren ondorioak profetizatzen dizkie emakumeari eta gizonari. Gero, Edeneko Lorategitik botatzen ditu.

Adam eta Eva ez dira aipatzen eskritura hebrearren gainerako zatietan, soilik aipatzen da Adanen zerrenda genealogiko bat Kroniken liburuetan, eta bertan aditzera ematen da, Adanen kontakizuna juduen historiari erantsi zitzaion arren, ez duela harekin batere loturarik. Mitoak lanketa zabala izan zuen geroko tradizio abrahamikoetan, eta gaur egungo ikertzaile bibliko modernoek sakon aztertu dute. Adam eta Evari buruzko interpretazioak eta sinesmenak eta hauen inguruko historia erlijioen eta sekten artean aldatzen dira; adibidez, istorioaren bertsio islamiarrak dio Adan eta Eva berdinki arduratsuak izan zirela beren harrokeriazko bekatuagatik, Eva desleiala izaten aurrena izan bazen ere. Adan eta Evaren istorioa sarritan irudikatzen da artegintzan, eta eragin handia izan du literaturan eta poesian.^[4]

Ikus gainera

Adam eta Eva Txikipedian

Erreferentziak

↑ (Ingelesez) Womack, Mari. (2005-03-31). Symbols and Meaning: A Concise Introduction. Bloomsbury Publishing PLC ISBN 978-0-7591-0322-1. (kontsulta data: 2025-08-02).
↑ (Ingelesez) Maʻoz, Moshe. (2009). The Meeting of Civilizations: Muslim, Christian, and Jewish. Sussex Academic Press ISBN 978-1-84519-287-7. (kontsulta data: 2025-08-02).
↑ (Ingelesez) Kolatch, Alfred J.. (1985). The second Jewish book of why. Middle Village, N.Y. : J. David Publishers ISBN 978-0-8246-0305-2. (kontsulta data: 2025-08-02).
↑ (Ingelesez) Blenkinsopp, Joseph. (2011-02-17). Creation, Un-creation, Re-creation: A discursive commentary on Genesis 1-11. Bloomsbury Publishing ISBN 978-0-567-57455-8. (kontsulta data: 2025-08-02).

Datuak: Q58701
Multimedia: Adam and Eve / Q58701

[1] (Ingelesez) Womack, Mari. (2005-03-31). Symbols and Meaning: A Concise Introduction. Bloomsbury Publishing PLC ISBN 978-0-7591-0322-1. (kontsulta data: 2025-08-02).

[2] (Ingelesez) Maʻoz, Moshe. (2009). The Meeting of Civilizations: Muslim, Christian, and Jewish. Sussex Academic Press ISBN 978-1-84519-287-7. (kontsulta data: 2025-08-02).

[3] (Ingelesez) Kolatch, Alfred J.. (1985). The second Jewish book of why. Middle Village, N.Y. : J. David Publishers ISBN 978-0-8246-0305-2. (kontsulta data: 2025-08-02).

[4] (Ingelesez) Blenkinsopp, Joseph. (2011-02-17). Creation, Un-creation, Re-creation: A discursive commentary on Genesis 1-11. Bloomsbury Publishing ISBN 978-0-567-57455-8. (kontsulta data: 2025-08-02).

[1]

[2]

[3]

[4]