Andie MacDowell
|
C'l artìcul chè 'l è scrit in
Miranduléś |
La Rosalie Anderson MacDowell, cgnusùda méj cuma Andie MacDowell (Gaffney, 21 'd Avrìl dal 1958, a s lèś [ˈændi məkˈdaʊəl] in ingléś), l'è n'atōra e mudèla americàna. In dla sò caréra l'è stada candidàda par sinc vòlti a i Golden Globe, vinsénd-an òṅ.
Biugrafìa
[mudéfica la surzéia]Uriginària dla Carulìna dal Sud, la MacDowell da śōvna l'à tacâ a lauràr cuma mudèla par L'Oréal e par Calvin Klein. In dal 1984 l'à fat al sò debùt a 'l cìnema tulénd part a 'l aventuróś Greystoke - La leggenda di Tarzan, il signore delle scimmie cun Christopher Lambert in di pagn ad Tarzan. Al sucès par lē al riva in dal 1989 quànd la fà la prutagunìsta dal film Sesso, bugie e videotape in còpia cun James Spader.
In di an Nuànta a l'arcurdém par la cumèdia Ricomincio da capo (1993), in dla part dna pudutōra televiśìva ch'la lavóra c'n al metereòlug Bill Murray, p'r al drama America oggi (1993), premiàda c'n un Golden Globe faghénd na màdar ch'la gh'à da patìr al dulōr 'd un putèṅ pìcul a 'l uśdàł in perìcul ad vita dòp èsar finî sóta na màchina, par la cumèdia dramàtica ad sucès Quattro matrimoni e un funerale (1994), in còpia cun Hugh Grant, par la cumèdia Mi sdoppio in 4 (1996), cun prutagunìsta Michael Keaton, p'r al fantàstic Michael, in dua, da espèrta 'd àngii, la gh'à da védar se John Travolta al 'l è dabòṅ, e p'r al drama Crimini invisibili, in còpia cun Bill Pullman.
In séguit a l'ém vista in dla cumèdia sentimentàla Amori in città... e tradimenti in campagna (2001), cun Warren Beatty e la Diane Keaton, in dal drama The Last Sign (2005), c'n al rōl dla védva 'd Tim Roth, e in Magic Mike XXL (2015) in dla part dna dóna madùra e divursiàda ch'la tîṅ a cà sua di śuvnòt ch'i s càvan śò par mistēr.
In televiśiòṅ l'à catâ spasi in série televiśìvi cuma Jane - Stilista per caso, Cedar Cove (in dla part dla prutagunìsta Olivia Lockhart) e The Way Home. La MacDowell l'è stada spuśàda da 'l 1986 a 'l 1999 c'n al mudèl Paul Qualley, ch'al gh'à dâ tri fiōi, e da 'l 2001 a 'l 2004 cun Rhett Hartzog, vendidōr ad presióś.
Filmugrafìa
[mudéfica la surzéia]
- 1984 - Greystoke - La leggenda di Tarzan, il signore delle scimmie (Greystoke: The Legend of Tarzan, Lord of the Apes), regìa ad Hugh Hudson
- 1985 - St. Elmo's Fire, regìa ad Joel Schumacher
- 1989 - Sesso, bugie e videotape (Sex, Lies, and Videotape), regìa ad Steven Soderbergh
- 1990 - Green Card - Matrimonio di convenienza (Green Card), regìa ad Peter Weir
- 1991 - Women & Men 2, regìa dla Kristi Zea – Film TV
- 1991 - Attenti al ladro! (The Object of Beauty), regìa ad Michael Lindsay-Hogg
- 1991 - Hudson Hawk - Il mago del furto (Hudson Hawk), regìa ad Michael Lehmann
- 1992 - Ruby Cairo, regìa ad Graeme Clifford
- 1993 - Ricomincio da capo (Groundhog Day), regìa 'd Harold Ramis
- 1993 - America oggi (Short Cuts), regìa ad Robert Altman
- 1994 - Quattro matrimoni e un funerale (Four Weddings and a Funeral), regìa ad Mike Newell
- 1994 - Bad Girls, regìa ad Jonathan Kaplan
- 1995 - Eroi di tutti i giorni (Unstrung Heroes), regìa dla Diane Keaton
- 1996 - Mi sdoppio in 4 (Multiplicity), regìa 'd Harold Ramis
- 1996 - Michael, regìa dla Nora Ephron
- 1997 - Crimini invisibili (The End of Violence), regìa ad Wim Wenders
- 1998 - Il profumo di un giorno d'estate (Shadrach), regìa dla Susanna Styron
- 1999 - Biglietti... d'amore (Just the Ticket), regìa ad Richard Wenk
- 1999 - I Muppets venuti dallo spazio (Muppets from Space), regìa ad Tim Hill
- 1999 - La dea del successo (The Muse), regìa 'd Albert Brooks
- 2000 - Harrison's Flowers, regìa 'd Elie Chouraqui
- 2001 - Amori in città... e tradimenti in campagna (Town & Country), regìa ad Peter Chelsom
- 2001 - Sposami, Kate! (Crush), regìa ad John McKay
- 2001 - A cena da amici (Dinner with Friends), regìa ad Norman Jewison – Film TV
- 2001 - On the Edge, regìa dla Anne Heche, dla Mary Stuart Masterson, dl'Helen Mirren e dla Jana Sue Memel – Film TV
- 2002 - Ginostra, regìa ad Manuel Pradal
- 2005 - The Last Sign, regìa ad Douglas Law
- 2005 - Beauty Shop, regìa ad Bille Woodruff
- 2005 - Ritorno a Tara Road, regìa ad Gillies MacKinnon
- 2009 - 6 mogli e un papà (The Six Wives of Henry Lefay), regìa 'd Howard Michael Gould
- 2010 - Patricia Cornwell - A rischio (At Risk), regìa ad Tom McLoughlin – Film TV
- 2010 - Patricia Cornwell - Al buio (The Front), regìa ad Tom McLoughlin – Film TV
- 2010 - La vittoria di Luke - The 5th Quarter (The 5th Quarter), regìa ad Rick Bieber
- 2010 - As Good As Dead, regìa ad Jonathan Mossek
- 2011 - Monte Carlo, regìa ad Thomas Bezucha
- 2011 - Footloose, regìa ad Craig Brewer
- 2012 - Mighty Fine, regìa dla Debbie Goodstein
- 2013 - Breaking at the Edge, regìa ad Pedrag Antonijevic
- 2015 - Magic Mike XXL, regìa ad Gregory Jacobs
- 2017 - Un'eredità per Natale (Christmas Inheritance), regìa 'd Ernie Barbarash
- 2017 - Fire Squad - Incubo di fuoco (Only the Brave), regìa ad Joseph Kosinski
- 2018 - La casa dei miei ricordi (The Beach House), regìa ad Roger Spottiswoode – Film TV
- 2019 - Un'ultima risata (The Last Laugh), regìa ad Greg Pritikin
- 2019 - Finché morte non ci separi (Ready or Not), regìa ad Matt Bettinelli-Olpin e 'd Tyler Gillett
- 2022 - Ti giro intorno (Along for the Ride), regìa dla Sofia Alvarez
- 2024 - Red Right Hand, regìa ad Ian Nelms e 'd Eshom Nelms
- 2024 - Il padre dell'anno (Goodrich), regìa 'd Hallie Meyers-Shyer
- 2024 - Ops! È già Natale (A Sudden Case of Christmas), regìa ad Peter Chelsom
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Andie MacDowell
