Wikipedia

an holloueziadur digor ha frank, savet gant an holl.

Pennad dre zegouezh · Skoazell ha kregiñ ganti · Kumuniezh

Pennad ar miz

Carl von Linné, pe Carl Linnaeus, a oa mezeg, louzawour ha kelenner e Skol-veur Uppsala e Sveden en XVIII^vet kantved. Gantañ e voe klasket rummata holl voudoù bev an Douar, en ul levr anvet Systema naturae, embannet e 1735. Diwar e labour e teu rummatadur reizhiadek ar bevien a zo en implij bremañ.

Gant Linné e voe roet da bep spesad un anv resis e latin, savet diwar daou c’her. Da skouer, Homo sapiens ("den a oar") evit an den. A-raok Linné e veze roet anvioù hir d’ar spesadoù, evit o diskrivañ. Gant skiantourien a veve er XVI^vet kantved, an daou vreur Bauhin, e oa bet savet ar reizhiad anvadurioù daouel a zo implijet hiziv, met gant Linné an hini e voe lakaet an diazezoù-se da dalvezout a-vras.

Ur Protestant deol e oa Linné, ul Lutherad, hag evitañ e oa ar vevoniezh ur studi eus ar bed urzhiet gant Doue. Krediñ a rae e oa bet krouet al loened hag ar plant gant Doue ha ne oant ket cheñchet abaoe krouidigezh ar bed. Ar spesadoù, evitañ, ne gemment ket, er c’hontrol diouzh ar pezh a voe displeget diwezhatoc’h gant Charles Darwin. Daoust da se e oa krog da gas ar skiant war un hent a bellae diouzh kelenn ar relijion. Un arc’heskob lutherat a damallas dezhañ bezañ dizoue.

Bez e voe Linné unan eus diazezourien Akademiezh ar Skiantoù e Sveden. Gantañ ivez e voe savet Liorzh Louzawouriezh Uppsala.

(Gouzout hiroc'h)

Keleier

Gwelet ivez Keleier ar vro.

1añ a viz Gouhere : Keiko Fujimori a zo dilennet da brezidantez Perou, ar c'hentañ wech eo ma vije ur vaouez e penn ar vro.
24 a viz Even : gant daou gren-douar e Venezuela ez eus lazhet 1430 den d'an nebeutañ ha milieroù a dud zo dianket.
24 a viz Even : barrad amzer tomm-gor e kornôg Europa. E Breizh ez eus tizhet meur a daol-dreist temperadurioù, en tu all da 40°C e meur a lec'h.
22 a viz Even : Keir Starmer (skeudenn) a ro e zilez diouzh e garg a gentañ-ministr eus ar Rouantelezh-Unanet.
21 a viz Even : e dilennadeg prezidant Kolombia eo trec'h Abelardo de la Espriella, eus an tu-dehoù pellañ.
11 a viz Even : d'an deiz-se eo padet hiroc'h brezel Ukraina eget ar Brezel-bed kentañ.
11 a viz Even : deroù Kib vell-droad ar bed 2026 e Kêr-Vec'hiko.
10 a viz Even : marvet eo ar c'haner Manu Lann Huel.
7 a viz Even : deroù an trede sizhunvezh manifestadegoù e Albania, a-enep ur pezh raktres savadurioù touristel war enez Sazan skoazellet gant Jared Kushner.
4 a viz Even : marvet eo an aozourez bannoù-treset ha sevenerez Marjane Satrapi.
31 a viz Mae : arme Israel a ya war-raok e kreisteiz Liban, en norzh d'ar stêr Litani.

A-zivout ar Wiki

Evit kaozeal diwar-benn kement tra a denn d'ar Wikipedia brezhonek, kit bep an amzer d'ober un dro betek Tavarn ar wikipedourien.
Taolit ur sell ouzh ar pennadoù nevez-voulc'het gant hor c'henlabourerien ha roit dorn d’o reizhañ, d’o gwellaat, d’o astenn, d’o fonnusaat. Gallout a ra neb a gar degas kemmoù d’ar pennadoù. Sellit ouzh penaos kemmañ ur bajenn, pe c’hoazh ouzh roll ar fazioù stankañ.
Porched ar gumuniezh: amañ e kavo ar re nevez ar pep retañ da c'houzout
Roll ar porchedoù: eno e vo kavet pennadoù a bep seurt

Ha gouzout a raec’h ?

Ar papigod a oa ur sport poblek e Breizh er Grennamzer.
Marcel Callo a oa marvet e Kamp-bac'h Mauthausen d'an 19 a viz Meurzh 1945 d'an oad a 23 bloaz.
Charlez VIII (1470-1498), roue Bro-C'hall ha pried kentañ Anna Breizh, a varvas goude bezañ skoet e benn en ur gourin, e kastell Amboise.
Ar pizzaioù Margherita zo bet anvet en enor da Margherita di Savoia, rouanez Italia etre 1878 ha 1900.
Biken ne voe echuet an douger-nijerezioù Graf Zeppelin alaman, an hini nemetañ en istor ar vro ha kroget da vezañ savet e 1936.
Terminator the Second a gont istor Terminator ar Varn ziwezhañ en ur implijout arroudoù eus oberennoù William Shakespeare nemetken.
Ken strafuilhet e voe Nelly Sachs gant darvoudoù euzhus ar brezel ma tremenas meur a vloaz e bredospitalioù goude an Eil Brezel-bed.

Ur raktres deus ar Wikimedia Foundation eo Wikipedia.

Commons
Bank roadennoù liesvedia
MediaWiki
Diorren poelladoù
Meta-Wiki
Kenurzhiañ
Wikilevrioù
Levrioù ha testennoù frank
Wikiroadennoù
Diaz anaoudegezh
Wikikeloù
Keloù digor
Wikipedia
Holloueziadur
Wikiarroud
Dastumad arroudennoù
Wikimammenn
Al levraoueg dieub
Wikispesad
Roll ar spesadoù bev
Wikiskolveur
Binvioù frank evit deskiñ
Wikeriadur
Geriadur & tezorus