Tour de France

Kenteken van die Tour de France

Fietsryers tydens die Tour de France in 2005

Die geel trui

Chris Froome, viermalige wenner van die Tour de France

Die Tour de France (Frans: [tuʁ də fʁɑ̃s], letterlik: "Toer deur Frankryk") of kort Le Tour ([ləˈtuːʀ], "die toer"), ook Grande Boucle ([gʀɑ̃dˈbukl], "Groot Lus") genoem, is die bekendste en belangrikste fietswedren ter wêreld. Die wedren strek oor drie weke – dus eintlik 'n toer – en vind altyd gedurende Julie plaas. Die eerste wedren het in 1903 plaasgevind en gedurende 2024 het die wedren vir die 111de keer plaasgevind; dit is slegs tydens die Eerste en Tweede Wêreldoorlog, asook die wêreldwye Covid-19-pandemie gekanselleer. Alhoewel die roete jaarliks gewysig word, lei dit deur die hele Frankryk en aangrensende lande. Saam met die toer van Italië (Giro d’Italia) en die toer van Spanje (Vuelta a España) vorm dit deel van die Groot Drie Toere (Grand Tours). Die wenner is die ryer met die minste totale tyd na afloop van die toer; elke skof se tyd word bymekaar getel. Die wenner kry die geeltrui (maillot jaune). Die wenspan is die span met die minste totale tyd na afloop van die toer; die beste drie ryers se tye van elke span word vir elke skof bymekaar getel.

Wenners sedert 2000

Jaar	Wenner	Nasionaliteit
2000	Lance Armstrong (gediskwalifiseer)	Verenigde State
2001	Lance Armstrong (gediskwalifiseer)	Verenigde State
2002	Lance Armstrong (gediskwalifiseer)	Verenigde State
2003	Lance Armstrong (gediskwalifiseer)	Verenigde State
2004	Lance Armstrong (gediskwalifiseer)	Verenigde State
2005	Lance Armstrong (gediskwalifiseer)	Verenigde State
2006	Óscar Pereiro	Spanje
2007	Alberto Contador	Spanje
2008	Carlos Sastre	Spanje
2009	Alberto Contador	Spanje
2010	Andy Schleck*	Luxemburg
2011	Cadel Evans	Australië
2012	Bradley Wiggins	Verenigde Koninkryk
2013	Chris Froome	Verenigde Koninkryk
2014	Vincenzo Nibali	Italië
2015	Chris Froome	Verenigde Koninkryk
2016	Chris Froome	Verenigde Koninkryk
2017	Chris Froome	Verenigde Koninkryk
2018	Geraint Thomas	Verenigde Koninkryk
2019	Egan Bernal	Colombia
2020	Tadej Pogačar	Slowenië
2021	Tadej Pogačar	Slowenië
2022	Jonas Vingegaard	Denemarke
2023	Jonas Vingegaard	Denemarke
2024	Tadej Pogačar	Slowenië
2025	Tadej Pogačar	Slowenië

• Die titel is eers in 2012 aan Andy Schleck toegeken nadat Alberto Contador gediskwalifiseer is vir 'n positiewe opkikker-toets.

Suid-Afrikaners op die Tour de France

Daryl Impey tydens die Tour de France 2013 in die geeltrui

Robbie Hunter en John-Lee Augustyn was die eerste twee Suid-Afrikaners wat aan die Tour de France deelgeneem het. Robbie Hunter is die eerste Suid-Afrikaner nog wat 'n skof kon wen in die Tour de France en wel gedurende die 2007-toer. Daryl Impey het aan die 2012-toer deelgeneem en gedurende die 2013-toer die geeltrui gedra na die sesde skof, die eerste Suid-Afrikaner wat dit kon vermag. Tydens die 2019-toer het Daryl Impey die negende skof gewen en die tweede Suid-Afrikaner geword wat dit kon vermag.

Sien ook

• Mont Ventoux

Eksterne skakels

• (fr) Amptelike webwerf
• (en) "Tour de France". Encyclopædia Britannica. Besoek op 27 Julie 2025.