808 State é unha banda inglesa de música electrónica formada en 1987 en Manchester[1] por Graham Massey, Martin Price e Gerald Simpson. Tomando o seu nome da caixa de ritmosRoland TR-808 e do "estado de ánimo" (state of mind) que compartían os membros, lanzaron o seu álbum de estrea, Newbuild, en setembro de 1988[1] e conseguiron o éxito comercial en 1989, cando a súa canción "Pacific State" foi elixida polo DJ de BBC Radio 1 Gary Davies, e estivo nas listas durante 11 semanas no Reino Unido.[2]
Os primeiros traballos do grupo influíron na florecente escena acid house do Reino Unido.[3] AllMusic referíuse a eles como "un dos artistas de música dance máis importantes de todos os tempos" e sinalou a súa influencia nos posteriores artistas de techno, IDM e dance alternativo.[3]
.jpg?lang=gl)
