Junani

Republik Hellenik
Ελληνική Δημοκρατία
Ellinikí Dimokratía

Mandera Partanda Logu habangsoan : Ύμνος εις την Ελευθερίαν Ímnos is tin Eleftherían ("Ende ni Haluaon")

Inganan ni Junani (ijo matua) - di banua Eropa (ijo torang dohot hulabu) - di bagasan Uni Eropa (ijo torang)

Junani (Hata Junani: Ελλάδα, Elláda; Indonesia: Yunani; Inggeris: Greece), goar resmina i ma Republik Hellenik (Hata Junani: Ελληνική Δημοκρατία, Ellinikí Dimokratía), i ma sada nagara na maringanan di luat Eropa Anggoni. Bilangan ni jolmana hirahira 10,8 juta halak di taon 2018; Aten i ma kota na umbalga jala huta sabungan in Junani, diihuthon Tessalonik. Maringanan di dangsina ni Balkan, di tongatonga ni simpang Eropa, Asia dohot Afrika. Marbatasan dohot Albania di bagian manabia, Makedonia Utara dohot Bulgaria di bagian utara, huhut Turki di bagian anggoni. Laut Aegea maringanan di bagian habinsaran ni Tano Junani, Laut Ionia di bagian hasundutan, Laut Kreta dohot laut Mediterania di bagian dangsina.

Etimologi

Goar asal ni Junani di hata Junani Modern i ma Ελλάδα (Elláda) na marbingkas sian hata Junani na Robi dohot hata Junani Modern sintuhu (Katharevousa i ma Ἑλλάς (Hellas). Diparhaseanghon do pe goar Hellas di pigapiga sumber na marhata Inggeris, somalna di konteks sastra. Rupa hata tihas ni Junani i ma ελληνικός (ellinikos) na sipate dilapati gabe Hellenic (Hellenik), jala dibahenon gabe goar sintuhu di angka dalihan ni Junani, umpamana goar resmi ni Junani, Republik Hellenik (Ελληνική Δημοκρατία)
Marudut sian hata Latin Graecia dohot Graecus do pandokan Greece dohot Greek, sian goar Graeci (Γραικοί, Graikoí; singular Γραικός, Graikós), sada puak Junani na robi na parjolo maringanan di Magna Graecia di Italia Dangsina. Etimologi ni pandokan Junani, manang Yunani di hata Indonesia, i ma marbingkas sian goar ni luat Ionia di bagasan hata Arab. Ionia i ma luat pasisir hasundutan ni Asia Minor na saonari maringanan di Turki.

Luat administratip

Mangihut program Kallikratis na didalanhon sian ari 1 Januari 2011, Junanimarnampunahon 13 region na tarbagi di bagasan 325 munisipalitas. Adong do sada luat administratip i ma Dolok Athos na marbatasan dohot region Makedonia Tonga.

No.	Region	Huta sabungan	Bidang ni luat (km2)
1	Attika	Aten	3.808,10
2	Junani Tonga	Lamia	15.549,31
3	Makedonia Tonga	Tessalonik	18.810,52
4	Kreta	Heraklion	8.259
5	Makedonia Habinsaran dohot Trakia	Komotini	14.157,76
6	Epirus	Ioannina	9.203,22
7	Hapuloan Ionia	Corfu	3.835,91
8	Aegea Utara	Mytilene	2.306,94
9	Peloponnese	Tripoli	15.489,96
10	Aegea Dangsina	Ermoupoli	5.285,99
11	Thessalia	Larissa	14.036,64
12	Junani Hasundutan	Patras	11.350,18
13	Makedonia Hasundutan	Kozani	9.451
No.	Luat otonomi	Huta sabungan	Bidang ni luat (km2)
(14)	Dolok Athos	Karyes	390