RSG

Christelle Webb-Joubert gesels met die maatskaplike werker Jeanne van den Bergh oor tienerselfmoord. Is daar tekens waarvoor geliefdes en vriende moet uitkyk om so ‘n tragedie te voorkom?

Lise Roberts gesels met Jannie de Villiers van Graan Suid-Afrika oor die droogte.

Dr. Gerhard Verdoorn vertel van ‘n byeenkoms oor die intesiewe teel van wild, en kleurvariante.

Matt Proudfoot, die Stormers se voorspeler-afrigter, kuier in die ateljee. Nelia Greeff verduidelik watter oefeninge reg is vir tienermeisies. En Haidee Muller stel jou voor aan Oscar, die straatmusikant.

Regstreekse uitsending van die Minister van Finansies, Nhlanhla Nene, se begrotingsrede in die parlement in Kaapstad.

PARADISO deur Charles J. Fourie
Episode 43: Oscar het nuus oor die goue aansteker wat hy in Hadley se kamer gekry het, en Frans konfronteer Marijke daaroor.

‘n Werk vir Marie-Lou.

Dee Theart maak kennis met die interaktiewe studenteplatform, Student Brands. ’n IT-kenner gee wenke oor hoe om veilig in die kuberruim te wees.

Ilse Salzwedel gesels met Barbara Kingsolver, die skrywer van onder meer THE POISONWOOD BIBLE, wat Suid-Afrika onlangs besoek het.

Met herfs om die draai, speel Tharien Oosthuizen die Simfonie no. 4 in E mineur opus 98 van Johannes Brahms. Die eerste bewegingstema herinner aan Beethoven se klaviersonate no. 29 en die laaste deel aan die Kantate no. 150 van Bach. Luister saam na die ooreenkomste.

‘n Veediefstalsindikaat wat landboutydskrifte dophou is tans ernstig bedrywig. Willie Clack van die Gautengse Veediefstaleenheid verskaf inligting hieroor.

Dolf Bam, voorsitter van die Dormer Telersgenootskap praat oor eienskappe soos vrugbaarheid, wat veroorsaak dat die ras se lampersentasie ver oor 100% is. Die ras vier ook vanjaar ‘n besondere mylpaal.

Talle huidige en potensiële Springbokrugbyspelers speel deesdae oorsee. Is dit op die langduur tot SA rugby se voordeel of nadeel?

PARADISO deur Charles J. Fourie
Episode 44: Felicity en Leanne word in die donker deur iemand agtervolg, en dan raak hulle motor se brandstof op.

Neno dink hy is ‘n superheld, en leer dat almal belangrik is.

MADGE DIE SONNEBLOM deur Haidee Muller
Madge du Preez is 'n 65-jarige sakevrou, skrywer en nasiebouer. Sy is passievol oor die onderwys, en skryf die mooiste gedigte. Madge het pas afgetree by UWK waar sy by studente-ondersteuning betrokke was. Sy maak hart oop teenoor Haidee Muller.
 

Met so min as drie karaktereienskappe kan ‘n onkruid met ‘n slimfoon geïdentifiseer word.

Dr. Francois van der Vyfer praat oor die praktyk veevoer met medikasie te meng. Minnie le Roux van Brenco voere gesels ook oor ‘n goedbeplande lekaanvullingsprogram.

Louis & Lise gesels oor selfvertroue, en die verskil tussen selfvertroue en selfbeeld. Hoe kan jy aan jouself vertroue werk om enige situasie in jou lewe aan te pak?

PARADISO deur Charles J. Fourie
Episode 45: Frans konfronteer Marijke met die waarheid oor Hadley.

Leeu kom sy moses tee.

Pruimbraaisous en makataanstukke is enkele produkte van ‘n plaaskonfytaanleg op Piket Bo-Berg.

Die Takalani-maats leer oor die tale van Suid-Afrika.

Flip Loots met rabbi Michael Katz van die Joodse geloof oor hulle jaarlikse Shavuot-fees.

Die slagwerkfamilie is die grootste van al die instrumentgroepe in ‘n orkes. ‘n Goeie definisie vir die groep, is enige instrument ‘n wat ‘n klank maak wanneer dit geslaan, geskud of geskraap word.

Regsvrae wat bespreek word, sluit in wie vir staatspensioen kwalifiseer, watter bewyswaarde 'n leuenverklikkertoets dra, en watter model 'n motor is as dit herbou word uit bakpanele van verskillende jare se modelle.

PARADISO deur Charles J. Fourie
Episode 46: Madder bied aan om Leanne huis toe te neem, en sy aanvaar goedertrou sy aanbod…

Missy, die vuil dogtertjie.

Episode 303: Die persoon wat Gustaf probeer skiet het, is steeds soek.

PARADISO deur Charles J. Fourie
Episode 47: Frans probeer Felicity, met min hulp van Marijke, oortuig dat Hadley eintlik Arlo Madder is en dat haar dogter se lewe in gevaar is.

PARADISO deur Charles J. Fourie
Episode 48: Frans ontvang ’n oproep van Marijke wat vertel dat Hadley haar gebel het om te sê hy het Madder opgespoor.

Kleinjakkals en Wolf leer om te deel.

PARADISO deur Charles J. Fourie
Episode 49: ’n Kat-en-muis-speletjie begin waartydens Madder beplan om Frans, Felicity, Leanne en Oscar te vermoor. Wie is sy eerste slagoffer?

PARADISO deur Charles J. Fourie
Episode 50 (slot): Felicity kry oplaas geleentheid om haar skokstok op Madder te toets...

Oppas waarvoor jy wens!

Flip Loots met rabbi Michael Katz van die Joodse geloof oor hulle jaarlikse Hannukah-fees.

Igna Klynsmith bespreek onregmatige okkupasie van eiendom, die invloed van likwidasie op bestaande kontrakte, en 'n geval waar ouers om geloofsredes geweier het dat hulle dogter 'n bloedoortapping mag kry.

Edith Giovanna Gassion kom vyfuur die oggend van 19 Desember 1915 in haglike armoede in die wêreld – op die mantel van ‘n polisieman in die voorportaal van ‘n gebou in Parys. Sy word as sypaadjiesanger “ontdek” deur die eienaar van ‘n restaurantteater.

Flip Loots gesels met rabbi Michael Katz van die Joodse geloof oor hulle jaarlikse Pesach-fees.

Igna Klynsmith en Volker Kruger kyk hoe flink hulle kan dink, en peper mekaar met kort regsvrae oor 'n verskeidenhied van onderwerpe.

Edith Piaf word as straatsanger ontdek deur Louis Leplée, en van 1936 af begin sy ‘n inkomste verdien as sangkunstenaar in ‘n vooraanstaande kabaretteater in Parys.

Flip Loots gesels met rabbi Michael Katz van die Joodse geloof oor hulle jaarlikse Ros Hoshannah en Yom Kippur-feeste.

Piaf leef lewenslank in die oortreffende trap, selfs vernietigend, maar sy verdien die hoogste respek vir die eise wat sy deurlopend aan haarself vir die uitdrukking van haar kunsvorm gestel het.

Flip Loots gesels met rabbi Michael Katz van die Joodse geloof oor hulle jaarlikse Sukkot-fees.