Sandens

Mary G. Steiner Egyptian Theatre — festivalneñ iñ borınğı häm iñ tanılğan mäydançıqlarınıñ berse

«Sandens» kinofestivale (ingl. Sundance Film Festival) — bäysez kino milli Amerika kinofestivale. Yuta ştatınıñ Park-Siti şähärendä här yılnıñ ğinwar axırında ütkärelä.

Tarixı

Kinofestivalneñ oyıştıruçısı bulıp «Sandens» institutı^[en] tora, aña 1981 yılda aktör Robert Redford^[en] häm anıñ dusları häm fikerdäşläre nigez salğan. Kinofestival Redford uynağan «Butç Kessidi häm Sandens Kid^[en]» filmı personajı xörmätenä atalğan.

1981 yılnıñ yazında un başlawçı kinematografist berençe «Sandens» kinofestivalenä çaqırılğan, anda İnstitutnıñ icadi laboratoriälärendä äydäp baruçı ssenaristlar häm rejissörlar belän oçraşqannar, alar bäysez ssenaristlarğa häm kinorejissörlarğa yazarğa, töşerergä häm töşerelgän materialnı strukturalaştırırğa yärdäm itkännär.

1984 yılda institut eşçänlegen kiñäytü turında qarar qabul itelgän, häm şul waqıttan birle Sandens institutı programmalarına teatr sänğäten üsterü programmaları da kergän. Xäzer Sandensqa yäşlär programmaları, interaktiv kürgäzmälär häm muzıkal’ konsertlar kerä. Sandens institutı icadi häm ğämäli seminarlar ütkärä, mäsälän, kinofilmnarnıñ muzıkal’ bizäleşe buyınça, häm teatr quyılışlarına bağışlanğan däreslär, şulay uq bäysez sänğät eşleklelärenä stipendiälär birep finans yärdäme kürsätä. İnstitut «Sandens kolleksiäse» bäysez filmnar tarixı arxivın alıp bara, ul Los-Ancelestağı Kaliforniä universitetında^[en] urnaşqan.

İnstitut programmasına yıl sayın ütkärelä torğan «Sandens» festivale kerä, ul Yuta ştatınıñ Park-Siti şähärendä här yılnıñ ğinwar axırında uza.

Berençe «Sandens» xalıqara festivale 1985 yılda Park-Sitida uzğan.

2025 yılnıñ martında festival’ oyıştıruçıları anıñ 2027 yılda Kolorado ştatına küçenüwe turında iğlan itkännär.

Sıltamalar

• Marketing-Vehikel der amerikanischen Filmindustrie: das Sundance Filmfestival in Park City, Utah: Grass und dunkle Tunnel (de) (2000-02-01).
• Sundance Film Festival (2016-04-02). әлеге чыганактан 2016-05-04 архивланган. 2025-07-05 тикшерелгән.
• Sundance Film Festival 1985–1996 (2008-12-09). әлеге чыганактан 2020-08-07 архивланган. 2025-07-05 тикшерелгән.
• The Ultimate Guide to Attending the Sundance Film Festival.