Anders Svor var ein norsk bilethoggar. Han var elev av Julius Middelthun på Kunstindustriskolen i 1882–1885, ved akademiet i København i 1886–1888 og elev av Herman Vilhelm Bissen i 1886–1892. I perioden 1894–1895 var han i Paris.
I ei dyktig, naturalistisk form utførte han portrettbyster mellom anna av Fridtjof Nansen (1902) og Adolph Tidemand (1906) på Kjerulfs plass i Oslo, dessutan Svend Foyn-monumentet i Tønsberg (1914). I Oslo står mellom anna Etter badet (1916) ved Bislett og den romantiske fontena Bølgen (1913) ved Skillebekk, og i Porsgrunn finst gruppa Skibbrudd (1921).
I 1953 vart det reist eit Svor-museum i Hornindal, og her vart i 1970 hans Tordenskiold-statue oppstilt, det ikkje utførte fyrstepremieutkastet frå 1891.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.