Realgar
Lo realgar es un minerau de color roge robin. A una duretat de 2,0 e una densitat de 3,55. Es format de sulfur d'arsenic (simbòl quimic : As2S3) cristallizat segon un sistèma monoclinic de classa prismatica. Pasmens, dins la natura, lei cristaus son fòrça rars e lo realgar s'observa sustot en agregats ò en massas granularas. Son esclat es resinós.
Se troba generalament dins de jaciments idrotermaus de temperatura bassa associat ambé de borats ò de sulfurs (aurpiment, blendas... etc.). Es utilizat coma fònt d'arsenic, en pirotecnia per donar una coloracion blanca ai fuòcs d'artifici, dins la fabricacion de vernís e dins la sintèsi de l'anidrid arseniós. Fins au sègle XIX, èra tanben utilizat coma pigment.
