विकिपिडियामा स्वागत छ!

यो एक स्वतन्त्र विश्वकोश हो जसलाई सबैले सम्पादन गर्न सक्छन्।
यस नेपाली भाषा संस्करणमा कुल ३०,००३ लेखहरू सङ्ग्रहित छन्।

आज: २०८३ साउन १९ (मङ्गलबार); नेस: ११:२७

प्रमुख लेख

भिन्सेन्त विलम फन गोख (३० मार्च १८५३ – २९ जुलाई १८९०) एक नेदरल्यान्डेली उत्तर प्रभावोत्पादी चित्रकार थिए। उनी मरणोपरान्त पश्चिमी कला इतिहासमा सबैभन्दा प्रसिद्ध र प्रभावशाली व्यक्तित्वहरू मध्ये एक थिए। सानै उमेरदेखि चित्रकला सुरु गरेका उनले बीसको दशकको मध्यपछि आफ्नो जीवनको अन्तिम दुई वर्षमा असङ्ख्य प्रसिद्ध चित्रहरू चित्रित गरेका थिए। उनीद्वारा बनाइएका अधिकांश चित्रहरूमा भूपरिदृश्य, सूर्यमुखी, गहुँको खेतहरू आदि समावेश छन्। एक दशकको अवधिमा उनले २,१०० भन्दा बढी चित्रहरू बनाए जसमा ८६० तेलचित्र, १,३०० भन्दा बढी जलनाला, रेखाचित्र तथा भूदृश्यहरू समावेश छन्। उनका प्रारम्भिक कार्यहरू अधिकतम स्थिर जीवन र कृषक श्रमिकहरूको चित्रणमा रङ्गहरूद्वारा सङ्केत गरिएको थियो जसले उनका पछिका चित्रकर्महरूलाई त्यसबाट छुट्टाएको थियो। व्यावसायिक रूपमा असफल भएपनि उनले बनाएका चित्रहरू निकै प्रसिद्ध रहेका छन्। लामो समयदेखि मानसिक रोगबाट पीडित उनले ३७ वर्षको उमेरमा आत्महत्या गरेका थिए। (पूरा पढ्नुहोस्...)

भर्खरै प्रदर्शित:

के तपाईंलाई थाहा छ ...

... गोवा (चित्रित) क्षेत्रफलको आधारमा भारतको सबैभन्दा सानो राज्य हो?
... गुप्त साम्राज्यको शासनलाई भारतको स्वर्ण युग मानिन्छ?
... हम्पी विजयनगर साम्राज्यको राजधानी थियो?
... जगन्नाथ मन्दिर यसको वार्षिक रथयात्राको लागि प्रसिद्ध छ?
... बिनोद चौधरी नेपालको पहिलो अर्बपति हुन्?
... कुरु राज्य भारतीय उपमहाद्वीपमा पहिलो उल्लेख गरिएको राज्य-स्तरीय समाज थियो??
... जहाँ बग्छ टिस्टा रङ्गीत सिक्किमको लागि वास्तविक राज्य गीतको रूपमा काम गर्ने गीत हो?
... खस राज्य आधुनिक समयको सुदूरपश्चिम नेपाल र भारतको उत्तराखण्ड राज्यका केही भागहरूबाट फैलिएको थियो?

प्रमुख समाचारहरू

ब्रोड शिखर

पाकिस्तानको ब्रोड शिखरमा (चित्रित) गएको हिमपहिरोमा परि १० जना पर्वतारोहीहरूको मृत्यु भएको छ।
फिफा विश्वकपको फाइनलमा स्पेनले अर्जेन्टिनालाई पराजित गर्दै दोस्रो पटक उपाधि जितेको छ।
इजरायल र संयुक्त राज्य अमेरिकाले इरानमाथि गरेको आक्रमणमा इरानका सर्वोच्च नेता अली खामेनेई सहित अन्य वरिष्ठ अधिकारीहरूको मृत्यु भएको छ।
संयुक्त राज्य अमेरिकाले भेनेजुएलामा आक्रमण गर्दै राष्ट्रपति निकोलस मादुरोलाई पक्राउ गरेको छ।
बङ्गलादेशकी पूर्व प्रधानमन्त्री शेख हसिना लाई बङ्गलादेशी न्यायाधिकरणले मानवता विरुद्धको अपराधमा दोषी ठहर गर्दै मृत्युदण्डको सजाय सुनाएको छ।

इतिहासमा आज

४, अगस्ट (जन्म):

बाराक ओबामा (सन् १९६१)

१९७० - मादक पदार्थ सेवन गरेको कारण जिम मोरिसनलाई प्रहरीले पक्राउ गरेको थियो ।
२००९ - किम जोङ् इलले अमेरिका पूर्व राष्ट्रपति बिल क्लिन्टनलाई भेट गरेका थिए साथै उत्तर कोरियामा अबैध रूपमा छिरेकोले जेलमा रहेका दुई अमेरिकाका पत्रकारहरूलाई पनि बन्ध मुक्त गरेका थिए ।
२०१४ - चीनको दक्षिण-पश्चिम क्षेत्र युनानमा गएको भूकम्पको कारण कम्तीमा ३ सय ९८ ले ज्यान गुमाउनुका साथै १८ हजार घाइते भएका थिए ।

प्रमुख चित्र

पातले छाँगो वा डेभिज फल्स (Davis Falls)को नामले चिनिने यो झरना कास्की जिल्लाको पोखरामा अवस्थित छ । जमीनको सतह भन्दा तल गुप्तेश्वर गुफा तर्फ झर्ने यो झरना वर्षायाममा हेर्न लायकको छ । डेभी नाम गरेकी एक स्विस पर्यटक यस झरनाबाट खसेर बेपत्ता भएको हुनाले यस झरनाको नाम डेभिज फल्स रहन गएको हो । एउटा प्राकृतिक सुरुंगको माध्यमबाट यो झरना लगभग ५०० फिट माथिबाट जमिनस्तरभन्दा १०० फिट तल सम्म झर्दछ...

फोटोग्राफर/श्रोतः गणेश पौडेल , मितिः १९ जुलाई २०११
सम्बन्धित पृष्ठः पाताले छाँगो