شخ

شخ یا ملّا کسی هسته کا دینی اردون و آمجکون ره درسی دونده و ونه کار تبلیق، تلویج، حفس و دین جا دفاء هاکردن هسه.

چب جه راس ور: جورج کری، کانتربری گت اسقف (۱۹۹۱–۲۰۰۲)؛ جاناتان ساکس، گتنا هاخام؛ مصطفی سریک، بوسنی گت مفتی؛ جیم والیس. اقتصادی جهونی مجمه ۲۰۰۹ داووس دله، سئیس

لاوِ مئیر، ایسرائیل هاخام

زرتوشتی

زرتوشتی کیش شخ اصطلاحا موبد یا موغ بونه. موبد واجک ریشک ونه اصل موغبد بیه یهنی موغان یا شه شخون گتنا و اول موبد کرتیر بیه.

جوهود

جوهود دله شه شخون ره گننه هاخام.

مسیحیک

بارونی ادیک گت اسقف، مسیحیون اتا گت شخون

مسیحیون میون شخون وشه خله نومون دره. کاتولیک‌شون مرد شخون ره گننه، پئر یا کشیش . در کاتولیک کلیسا، ملاباجی ندارنه.دیرون یا صومه‌ئون دله کا زاهد زنکون و مردکون زیوش و نماج جگا هسته، مردون ره، برار و پئر، و زنون ره خاخر و مار، ونگ دنه.

پروتستان دله،شخ و دی ملاباجی ره، کشیش و چپون ونگ دنه. البته ونه چپون ونگ هادن امبا ایرون دله غفلت سر دشت مسیحی شخون ره کشیش ونگ دنه و اتی گدرون دی شه خد ره گننه کشیش تا شایسی اعتبار بیرن امبا کشیش نوم ره سنتی کلیسا مردکون وسه کار زنده دکلون.

اسلوم

اسلام دله، شیعه شخون ره، آخوند، ملّا، شخ، حجت الاسلام و المسلمین و گت رتبه دله، آیت‌الله و آیت‌الله‌العظمی بهوت بونه؛ امبا سنی شخون، ماموستا و گت رتبه دله، مولوی و ای گت تر بوئن، مولانا ونگ دننه. ماموستا، کردی واجکه وونه مهنا استا یا ملا(مَلّم) هسته کردنشین شر دله، شخون ره گننه. مولوی واجک، یاء اضافه بین مولا واجک په خار بیه. این اصطلاح، ایرون شرقی شر ور ویا ایرون شرق ور سامونون، اونانی که دینی ذونش دله گت آدم بینه ره گننه. مولانا یهنی امه گتنا کا ویشتر فاضل مردکون و گت آدمون وسه کار بزه بونه و مولانا رتبه مولوی تون بالاتره

بائی

بائی کیش دله شخ ندارنه و دشت آدمون ونه کیش و دین ره تبلیق هاکنن.