Blue Lock

Blue Lock
Корицата на првиот том, вклучувајќи го Јоичи Исаги
ブルーロック (Буру року)
Жанр	спорт трилер
Манга
Автор	Мунејуки Канеширо
Илустратор	Јусуке Номура
Издавач	Kodansha
Англиски издавач	СА: Kodansha USA
Импринт	Shonen Magazine Comics
Списание	Weekly Shonen Magazine
Оригинално прикажување	1 август 2018 — во тек
Број на томови	38
Манга
Blue Lock: Episode Nagi
Автор	Мунејуки Канеширо
Илустратор	Кота Саномија
Издавач	Kodansha
Англиски издавач	СА: Kodansha USA
Списание	Bessatsu Shonen Magazine
Оригинално прикажување	9 јуни 2022 — 9 јули 2025
Број на томови	8
Аниме-серија
Режисер	Тецуаки Ватанабе (С1) Шунсуке Ишикава (С1) Јуџи Хаибара (С2)
Сценарист	Таку Кишимото
Композитор	Џун Мурајама
Студио	Eight Bit
Давател на лиценца	Crunchyroll ЈА/ЈИА: Medialink
Мрежа	ANN (TV Asahi)
Англиска мрежа	ЈИА: Animax Asia САД: Adult Swim (Toonami)
Оригинално прикажување	9 октомври 2022 — во тек
Епизоди	38
Аниме-филм
Blue Lock: Episode Nagi
Режисер	Шунсуке Ишикава
Сценарист	Таку Кишимото
Композитор	Џун Мурајама
Студио	Eight Bit
Давател на лиценца	Crunchyroll
Објавено	19 април 2024 (2024-04-19)
Времетраење	91 минута
Игран филм
Студио	Credeus CK Works
Објавено	7 август 2026 (2026-08-07)

Blue Lock (јап. ブルーロック Буру року, мак. Син затвор) — спортска манга напишана од Мунејуки Канеширо и илустрирана од Јусуке Номура. Мангата се објавува во списанието Weekly Shonen Magazine на издавачката куќа Kodansha од август 2018 г. Заклучно со април 2026 г., поглавјата од мангата се објавени во 38 тома танкобон.

Од октомври 2022 до март 2023 г. се прикажувала првата сезона на аниме-серијата заснована на мангата. Во април 2024 г. се одржала премиерата на долгометражниот филм заснован на спинофот Episode Nagi. Од октомври до декември истата година се прикажувала втората сезона на анимето. Најавени се трета сезона и игран филм.

Заклучно со 2025 г., мангата е продадена во тираж од над 50 милиони примероци, со што станала една од најпродаваните манги во историјата. Во 2021 г., Blue Lock ја добила Наградата за манга на Kodansha во категоријата „Шонен“.

Содржина

Јапонската фудбалска репрезентација го напушта Светското првенство во 2018 г. по поразот во осминафиналето. Јапонската фудбалска унија го основа тренинг-комплексот „Син затвор“, со цел да создаде најдобар светски напаѓач, и за тренер го назначува Џимпачи Его. Оние што ќе бидат исфрлени од „Синиот затвор“ засекогаш ќе ја изгубат можноста да играат за репрезентацијата. Јоичи Исаги, поранешен играч од обичен училиштен клуб, одлучува да стане дел од програмата и да се натпреварува со 299 други играчи за правото да биде најдобриот напаѓач.

Ликови

Јоичи Исаги (јап. 潔 世一 Isagi Yoichi) — главниот лик на мангата, тој е средношколец во завршна година што играл на позицијата напаѓач во фудбалскиот клуб на гимназијата „Ичинан“. При доаѓањето во „Синиот затвор“, тој бил член на клубот З за време на првата селекција; за време на втората селекција бил дел од белиот клуб (првично со Наги и Бачира, а потоа со Рин, Арју, Токимицу и Бачира). Неговата главна цел е да стане најдобар напаѓач во светот. Тој поседува способност да анализира сѐ што се случува на теренот и да ги одреди најдобрите стратегии што треба да се применат.

Мегуру Бачира (јап. 蜂楽 廻 Bachira Meguru) — деутерагонист на мангата. Тој е креативен напаѓач што игра следејќи го својот инстинкт. При доаѓањето во „Синиот затвор“, бил член на клубот З за време на првата селекција; за време на втората селекција бил дел од белиот клуб (со Наги и Исаги), а потоа му се приклучил на црвениот клуб (со Рин, Арју, Токимицу, а подоцна и Исаги). Неговата цел е да најде соперници што, исто како него, поседуваат „чудовиште“. Со своите непредвидливи дриблинзи, тој постепено станува застрашувачки играч на теренот.

Надворешни врски

• Матична страница на мангата (на јапонски)
• Матична страница на анимето (на јапонски)
• Матична страница на анимето (на англиски)
• Blue Lock (манга) — Енциклопедија на Anime News Network (англиски)