Scientific American
| Scientific American | |||||
|---|---|---|---|---|---|
 | |||||
 | |||||
| revuo pri vulgarigo de scienco scienca gazeto (1845–)  | |||||
| Komenco | 28-a de aŭgusto 1845 vd | ||||
| Sidejo | Los-Anĝeleso | ||||
| Agareo |
historio | ||||
| Fondintoj | Rufus Porter vd | ||||
| |||||
| Retejo | Oficiala retejo | ||||
Scientific American (mallongigita al Sci. Am. laŭ ISO 4) estas usona scienca gazeto kaj revuo kun celo popularigi sciencon fondita en jaro 1845 de Rufus Porter, kaj estas la plej malnova revuo eldonita en Usono. Efektive, ĝi estas unu el la plej malnovaj kaj plej respektataj popularsciencaj revuoj en la mondo.
La revuo kompilas artikolojn pri aktuala kaj noviga esplorado por sciencaj entuziasmuloj. La skribstilo taŭgas ankaŭ por laikoj, kiuj ne konas la detalojn de scienco, kaj estas akompanata de unikaj bildoj kaj diagramoj.
La revuo estas respektata, sed ĝi ne estas profesia scienca revuo kiel " Nature ". Ĝi estas platformo por prezenti teoriojn kaj malkovrojn klare al pli vasta publiko. Antaŭe, ĝiaj legantoj estis nur sciencistoj el diversaj kampoj, sed hodiaŭ ĝiaj legantoj ankaŭ troveblas inter kleraj homoj interesitaj pri sciencaj temoj.
Scientific American vendas proksimume 555 000 ekzemplerojn en Usono kaj 90 000 en Eŭropo ĉiumonate.
Aktuale en 2010, ekzistis 14 naciaj versioj, sed ne ĉiuj nomiĝas precize Scientific American. [1]
Aliaj lingvaj eldonoj
[redakti | redakti fonton]La unua fremdlingva eldono de Scientific American, la hispana La America Cientifica, estis publikigita en 1890. Ĉi tiu publikaĵo ĉesis eldoni en 1905, kaj daŭris 63 jarojn antaŭ ol la sekva fremdlingva eldono estis publikigita.
La itala eldono, Le Scienze, lanĉiĝis en 1968. Nikkei Science sekvis en 1971.
Ekde 1976 ekzistas hispana eldono ( Investigación y Ciencia ), ekde 1977 franca eldono ( Pour la Science ) kaj ekde 1978 germana eldono de Scientific American sub la titolo Spektrum der Wissenschaft.
Kexue (科学, Kèxué – "Scienco"), la unua okcidenta revuo en la Ĉina Popola Respubliko, aperas ekde 1979. W mire nauki unue aperis en la antaŭa Sovetunio en 1983.
Referencoj
[redakti | redakti fonton]- ↑ Arkivita kopio. Arkivita el la originalo je 2012-01-07. Alirita 2012-01-13 .
Eksteraj ligiloj
[redakti | redakti fonton]- Reta eldono de Scientific American kun parte senpaga aliro al la aktuala numero.
- Reta arkivo (por abonantoj, ne senpaga) de la numeroj de 1993 ĝis la nuntempo.
- Reta arkivo de Scientific American inter 1846 kaj 1869.
- Scientific American ĉe JSTOR
