Cingelezi
Cingelezi (mu Cingelezi English) ni ciyowoyero ca Ŵajeremani ŵa kumanjiliro gha zuŵa ca mbumba ya viyowoyero vya Indo-Yulopiya, ico cikamba mu Ungelezi wa nyengo yapakati, ndipo sono caŵa ciyowoyero ca kuyowoyerana pa caro cose capasi. Cikathyika zina la Ŵaangelo, ŵanthu ŵa Ŵajeremani awo ŵakasamira ku Britain pamanyuma pa kumalira kwa ulongozgi wa Ŵaroma. Cingelezi ndico ciyowoyero cakuyowoyeka comene pa caro cose capasi, comene cifukwa ca nkhongono ya Ufumu wa Ŵabritoni.
Cingelezi ni ciyowoyero ca dango panji cimoza mwa viyowoyero vya dango mu vyaro vyakujiwusa 57. Ni cimoza mwa viyowoyero vya dango vya Umoza wa Vyaro na mawupu ghanyake ghanandi gha pakati pa vyaro. Caŵa so ciyowoyero ca kuyowoyerana pa kudumba kwa pakati pa vyaro, kasandiro, luso la vilwero, malonda gha pakati pa vyaro, na pa intaneti.
